Page 58 - TTC MARCH 12,2015

Bini uno bini tur, duna bo aporte na e scol pa asina e por brinda lo mihor den educacion pa su
alumnonan.
http://masnoticia.com/hobennan-ganador-di-arte-di-palabra-di-bishita-cerca-minister-oduber/
Hobennan ganador di Arte di Palabra di bishita cerca Minister Oduber

 Mar 12th, 2015
 Local

Minister di Cultura Otmar Oduber a reuni diaranson atardi cu e hobennan ganador di e competencia
literario na Papiamento Arte di Palabra.
Diasabra cu a pasa a tuma e lugar un otro edicion di Arte di Palabra, unda diferente scolnan a participa
cu e declamacion di poesia den idioma Papiamento. Esaki ta e prome aña cu AdP a haci su presentacion
pariba di brug den Teresita Center cu tabata un exito conpleto .
Pa Minister Oduber e tabata sigur un encuentro hopi inspirativo pa por a conbersa y comparti cu e
ganadornan di Arte di Palabra. Cada un di nan a demostra interes grandi pa nos lenga Papiamento. Esaki
ta demostra tambe cu nos hobennan tin interes grandi pa carga nos cultura orguyosamente.
Minister Oduber a conbersa cu e hobennan riba e bunitesa di nos pais y nos lenguahe Papiamento y a
splica cu e ta un lenguahe hopi bunita y ta hala atencion di esnan di afor y cu pa e motibo aki mester
cargue como hoben.
E mandatario a duna indicacion cu ya caba ta den conbersacionan cu Departamento di Cultura pa haci di
e competencia di adP uno mas grandi, unda cu tur scol ta participa pa asina sigui encurasha mas hoben.