Page 60 - TTC MARCH 12,2015

Diaranzon merdia Minister di Cultura Otmar Oduber tabatin e honor pa ricibi bishita di e oraganisacion
di Festival Un Canto pa Nos Himno y Bandera, acompaña pa e ganadornan absoluto di e fin di siman aki.

Minister Oduber a expresa di ta sumamente contento cu e exito grandi cu e festival a cosecha e aña aki,
cu ta indicacion cu por premira cu esaki lo keda engrandece nos folkore.
Durante e encuentro ameno aki e mandatario a homenahea e dos organisacion cu a traha duro pa logra
e exito di e Festival Un Canto Pa Nos Himno y Bandera, cual ta Comision Promove Cultura y Harry Croes
di Fundacion Festival Himno y Bandera y Dande cu un bunita plakaat como reconocemento pa e trabou
grandi cu nan a bin ta haciendo pa preserva y traspasa folkore por medio di e festival dedica na nos
Himno y Bandera.
Tabata sigur un momento hopi bunita pa mira con tanto e organisacionnan y mayornan ta sostene y
apoya talentonan local. ‘Mayonan boso ta e curazon tras di esaki. Ta poco mayornan bo ta haya pusha
nan yiunan pa participa cu festivalnan asina y ta danki na boso nos cultura ta engrandece,’ e mandatario
a bisa.
Pa Minister Oduber ambos organisacion ta carga e tarea pa lanta e muchanan aki y ta pone un base pa
tin continuacion. Maske e aña aki a conta cu hopi participante, awor mas cu nunca mester mantene y
pushe. E entusiasmo ta grandi , pero hopi biaha ta dificil yega na e muchanan. Pero awor cu un festival
exitoso, cu proyecto Resona y 18 di maart na caminda, Departamento di Cultura Aruba (DCA) ta
haciendo un tremendo trabou pa traspasa Aruba su folkore.
E mandatario a splica cu awor cu proyecto Resona , DCA a organisa 4 dia di presentacion
completamente gratis pa hobennan di diferente scol. E mensahe trasmiti ta pa aprecia e musica folkore
y aprecia loke ta di nos, cu e pensamento su tras cu no ta solamente e weganan y e cancionnan di
awendia tin, pero cu tin un fundeshi di unda nos ta bin.
Minister Oduber a duna palabranan di pabien na cada participante, mayornan y a bisa cu e