Page 9 - AVP OCT 15 2020
P. 9
Diahuebs, 15 October 2020 AWEMainta 5
Parlamentario Alan Howell (POR)
Ciudadanonan ta contento cu e drempel tan desea
NA varios ocasion Parlamentario Alan Howell a haci peti-
cion den nomber di ciudadanonan pa drempelnan den nan
bario.
Recientemente DOW a cumpli y pone un drempel riba Caya
Jose Geerman dilanti EPB scol. Manehadornan di vehiculo
di motor ta core demasiado duro y hasta tin biaha por a mira
pustamento cu e consecuencia cu ta pone bida di tur hende
na peliger y den e caso specifico aki, di e studianten.
Alan Howell ta gracidi p’e drempel aki y a bisa seguidamente
cu si por a haya un drempel mas parti pariba lo ta genial.
Igualmente el a gradici cu otro barionan manera Sabana Ba-
sora tambe a haya atencion.
Parlamentario Howell ta spera di Minister Lopez-Tromp y
DOW cu lo sigui cumpli cu su otro peticionnan pa drempel-
nan y asfalta cayanan den e barionan, peticionnan haci den
nomber di nos pueblo. Howell a termina gradiciendo Minister
Lopez-Tromp y DOW p’e trabou y atencion brinda.
