Page 11 - AM210709

AWEMainta.com DIABIERNA 9 JULI 2021| 11

Chauffeur bou influencia ta hala na su

man robes y ta dal contra un ambulance

DIAHUEBS prome cu 12’or di merdia
presencia di Polis a wordo pidi cu urgencia
riba e caminda principal di San Nicolas pa
Oranjestad na altura di oficina di Dr. Tromp
na Savaneta pa un accidente.
N’e sitio e agentenan policial a bin
compronde cu e ambulance tabata biniendo
for di pariba y a hay’e confronta cu un auto
maneha pa un homber burachi cu tabata
biniendo di direcion contrario.
E chaufeur di e auto a hala na su man
robes y tabata bayendo frontal direccion di
e ambulance. E chauffeur di e ambulance a
trata na maniobra pa evita e impacto frontal,
pero asina mes e auto a dal contra e banda
robes di e ambulance.

Un ambulance tabata bahando for di San
Nicolas ora cu el a haya su mes confronta
cu un auto, cu tabata bini directamente riba
dje. Chauffeur di e ambulance a trata na
maniobra, pero e no por a evita e impacto. E
auto a dal den banda di a ambulance.
E agentenan n’e sitio a nota cu e chauffeur
di e Hyundai tabata bou influencia. Na
momento cu Polis a bay detene el a trata
na resisti su detencion, pero e no a logra. E
Polisnan a bisti’e boei y el a wordo transporta
pa Warda di Polis. E auto no tabatin tur
documentonan valido.