Page 57 - min social

No ta Minister Paul Croes a bishita DAS, sino un grupo di
Trahador Social a reuni cune na Bestuurskantoor!

Publication: Monday, 22 June 2015. Categoria: General

ACLARACION:

ORANJESTAD (AAN) — Den un articulo redacta a base di un par di opinion publico (via
telefon) relaciona cu e encuentro entre Minister di Asunto Social, Maneho di Hubentud y Labor,
cu un grupo di trahador di Departamento di Asunto Social (DAS), lamentablemente pa e redactor
cu a tuma e opinionnan no a keda cla cu no ta e Minister a bishita DAS pero cu ta un grupo di
Trahador Social a wordo ricibi, pa e dignatario, den su despacho na Bestuurskantoor y esaki a
crea un poco confusion, no tocante e contenido pasobra e ta corectamente mara na e expresion di
esnan cu a yama nos pa trece dilanti un mensahe positivo y mustra cu nan ta spera cu e
mandatario lo a tuma na cuenta cierto inkietudnan cu tin den DAS.

DIARIO ta coregi e fout y ta reitera: E minister mes no a bishita DAS ni a reuni cu e personal, un
grupo di Trahador Social, a representa e Departamento den un reunion cu e mandatario den su
despacho. Alavez palabranan di despensa pa e inconveniente cu e fout aki por a causa. Cu esaki
DIARIO tambe ta laga bon cla cu no ta trata di ningun comunicado di prensa cu a bin for di
oficina di e minister, manera cierto empleadonan disgusta a indica riba un red na internet.

http://www.diario.aw/2015/06/no-ta-minister-paul-croes-a-bishita-das-sino-un-grupo-di-trahador-
social-a-reuni-cune-na-bestuurskantoor/