Page 58 - min social

Unicef a duna tur apoyo na Aruba cu bishita di Niels
Katsberg

Publication: Monday, 22 June 2015. Categoria: General
Minister Paul Croes

ORANJESTAD (AAN): Minister drs Paul Croes a reuni varios biaha cu representantenan di
UNICEF pa asina ricibi consehonan y intercambia ideanan den cuadro di e situacion di
muchanan den diferente paisnan y awo Unicef por medio di su consehero sr Niels Katsberg lo
bin duna apoyo na Aruba.
Despues di un estudio cu UNICEF a haci na 2012 na Aruba awor nan ta honra nos cu nan bishita
pa asina duna nan apoyo pa e ehecucion di e plan integral pa hubentud di nos pais.
For di awe dialuna y te cu diabierna sr Niels Katsberg cu ta consehero di UNICEF lo reuni cu
diferente instancianan,Gobierno di Aruba, departamentonan Gubernamental y No
Gubernamental, organizacionan, prensa, clero y principalmente nos hobennan mes.
For di 2012 diferente ministerionan di husticia, educacion, salubridad y social a haci diferente
trabaonan hunto pa asina por a yega na un plan integral pa hubentud cu a worde yama “
Generation of Leaders”. E consehero di UNICEF sr Niels Katsberg lo den sinta cu tur e
organizacionan concerni, riba e plan di accion pa mira con lo bay ehecuta e plan integral pa nos
hubentud.
“Nos ta hopi contento cu e apoyo cu nos ta ricibiendo di UNICEF pero tambe ta importante pa sa
e puntonan di accion cu ta sali for di e plan aki cu lo worde encamina y apoya por medio di
UNICEF. Lo mester sa cua lo ta e diferente departamentonan cu lo mester traha hunto, e
programanan cu mester sali como plan di accion, ta importante pa ricibi e informacion aki cu lo
mester yuda den e ehecucion, ora di conoce e resultado na final di e encuentro cu tur e
stakeholdernan” asina Minister di Hubentud drs Paul Croes a declara.