Page 16 - awem
P. 16
16 AWEMainta Diahuebs, 07 April 2016
Indrah Zievinger
ta haci un yamada
pa trahadonan
social den casnan
di cuido pa
anciano
segun cu e poblacion na Aruba ta
sigui embehece
RIBA 17 di november 2015, Indrah Zievinger a bira e di
11 studiante cu a gradua cu un Bachelor in Social Work
and Development na Universidad di Aruba.
Durante Indrah su estudio na Universidad di Aruba, el a
haci su pasantia na SVGA, Stichting Hamied- Woonhof
na Corsou y na Marie Stella, SABA.
Indra su mayornan ambos tabata traha na SABA, loke a
resulta den un interes particular pa traha cu personanan
di edad. P’e motibo aki, el a scoge pa haci investigacion
riba e topico: “E papel di trahadonan social den e futuro
desaroyo di e casnan di cuido di SABA.”
Indrah a splica cu segun e poblacion na Aruba ta sigui
embehece, e papel di trahadornan social den cuido
pa personanan di edad avansa ta un topico cu no por
wordo ignora.E investigacion cuantitativo, den cual 40
residente y 73 miembro di personal di un di e casnan di
cuido di SABA a wordo entrevista, a conclui cu 90% di
e residentenan y 90.4% di e staf ta sostene e idea pa tin
un trahado social den servicio.
E estudio ta recomenda pa haci un investigacion similar
na e casnan di cuido priva. Adicionalmente, pa conduci
un estudio similar cu miembronan di famia pa explora
nan expectativanan pa cu un trahado social den casnan
di cuido.
E departamento di “Social Work and Development” na
Universidad di Aruba ta felicita Indrah Zievinger cu su
graduacion y ta spera
cu un dia e por ocupa
su luga y espacio na
e casnan di cuido na
SABA of den un di e
casnan di cuido priva
of establece su propio
centro di excelencia
pa personanan di
edad avansa y asina
continua e tradicion di
famia Zievinger.
