Page 2 - awem

2 AWEMainta Diahuebs, 07 April 2016

Di 1300 graf, mas di 300 ta afgekeurd y
no registra!

Departamento
di Salud Publico
buscando solucion
pa Santana na
Zeewijk

Cu ta den basta mal estado

ALGUN parti di e santananan na Zeewijk, tanto esun di Gobierno

como esun Catolico, ta den bastante mal estado y Departamento di
Salud Publico (DESPA) ta buscando manera pa por soluciona e dilema
aki, hunto cu partnernan envolvi.
Jerry Staring, di Management Team di DESPA a enfatisa cu nan ta
haciendo un inspeccion hunto cu Departamento di Higiena y esnan
encarga cu mantencion di e santananan pa evalua e situacion.

Segun Staring, a haya aviso cu e situacion no ta mucho di gaba. Tabatin
basta graf habri, basta graf cu weso saliendo, cu ta verval y tin masha
hopi graf cu no sa di ken nan ta, di cua famia nan ta y no tin registracion.
Mayoria di esaki ta debi cu nan no ta data y/o ta di temponan hopi bieu
, contrario n’esnan cu ta mas nobo y ta conta cu un bon registracion.
DESPA a nota, hunto cu Departamento di Higiena, cu e situacion ta
alarmante.

Pa DESPA, e parti di higiena ta importante. Tin varios stakeholder cu
ta envolvi den esaki y cu lo ta sintando cu otro pronto.
Tin e.o. DOW, Censo, Comisionnan di Santana y tin cu traha hunto pa
mira con ta bay resolve e problema aki.
A haya varios graf, pa no bisa hopi graf, manera e personal di
mantencion a indica, cu ta sin registra, di cual 300 di nan ta afgekeurd,
cu ta forma un peliger no solamente pa higiena, pero pa hende mes.
E estado di mantencion t’asina deplorabel cu hende por cay aden, como
tambe heronan cu ta sali afo, cu por staca hende, entre otro.

Jerry Staring a splica cu esnan envolvi tin cu sinta hunto pa mira con
ta bay soluciona e problema di e grafnan mal manteni.
E grafnan cu weso saliendo tin cu actua di biaha cu Departamento di
Higiena pa deshaci di nan. Pa loke t’e parti di higiena ta bin na prome
lugar cu tin cu percura p’e wesonan cu por a haya y pa deshaci di nan
na un manera corecto.

Departamento di Higiena a percura pa acumula e partinan cu a resta
y pone nan den un graf comun, unda cu tin varios weso of partinan di
e curpa cu no a desintegra ainda, hunto y nan ta purba di haya famia.
Tur cos ta bay den deliberacion cu e comisionnan envolvi. Tin problema
si cu no tin un registracion di varios graf, esey ta mas tanto grafnan
hopi bieu. Esaki ta pasa na varios santana y ta un reto cu tin cu wordo
soluciona hunto cu e otro parternan.