Page 5 - awem
P. 5
AWEMainta Diahuebs, 07 April 2016 5
Resultado temporal di referendum di tratado di
asociacion cu Oekraïne
Na Aruba y na
Corsou den su
mayoria ta contra
E ELECTORADO na
Aruba y Corsou den su
mayoria ta contra di e
tratado di asociacion
di Union Europeo cu
Oekraïne. Mientras cu
e electorado na Sint
Maarten si ta pro den su
mayoria.
Esaki ta un resultado
tentative y sigur ainda
no esun oficial.
E electorado registra por
a vota ayera den henter
Reino Hulandes den un
referendum, cu tambe a
tuma lugar na Hulanda.
E 3 urnanan electoral
tabata na Representacion
di Hulanda na Aruba,
Corsou y na St. Maarten,
unda ultimo dianan a
haya 176 envelop cu a
formularionan di voto.
Resultado ta 62
formulario emiti pa
Aruba, 96 pa Corsou y
18 pa Sint Maarten. Di
esakinan 171 voto legal
a keda emiti, di cual 59
na Aruba, 94 na Corsou y
18 na Sint Maarten.
Na Corsou ta mustra cu
38,3% (36 voto) ta pro
e tratado di asociacion y
61,7% (58 voto) contra.
Na Aruba 45,8% (27
voto) ta pro y 54,2% (32
voto) contra.
Na Sint Maarten 77,8%
(14 voto) ta pro y 16,7%
(3 voto) contra. Maske
cu e no ta ser menciona,
na Bonaire tambe nan
participacion tabata
masha abao.