Page 10 - DESPA
P. 10
Demanda Halto Pa Vacuna Contra Keintura Geel
Local
- 21/06/2017
Mundialmente tin un scarsedad di vacuna contra Keintura Geel of Gele Koorts y e
demanda p’e vacuna aki ta creciendo, esaki pa motibo cu diferente pais tin esaki como
exigencia pa por drenta e pais.
Ta conoci cu na Aruba den temporada di vakantie di scol hopi di nos hendenan ta bay cu
vakantie, tambe n’e paisnan cu ta exigi vacuna contra Keintura Geel, segun dr. Wilmer
Salazar di Departamento di Salud Publico.
Esaki ta haci cu e demanda na Aruba pa vacuna contra Keintura Geel mescos cu otro
parti mundo tambe ta subi.
N’e momentonan aki Seccion di Malesanan Contagioso di Departamento di Salud
Publico ta avisa comunidad cu nan no tin vacuna contra Keintura Geel disponibel, pero ta
premira cu pa dia 3 di juli pa dilanti lo nan tin atrobe.
Pa mas informacion por tuma contacto cu Seccion di Malesanan Contagioso na 522-
4200.
