Page 7 - DESPA
P. 7
ORANJESTAD (AAN): Como cu AZV a nenga pa e haya e tratamento aki, awor un
comision ta yudando pa Nicole Natalie Lin haya tratamento den exterior.
“Mi nomber ta Nicole Natalie Lin y mi tin 44 aña di edad. Mi a worde diagnostica dos
aña pasa cu un malesa cu yama COPD. Mi no tabata sa e momento ey e gravedad di e
malesa i mi a worde trata aki mes i no tabata wak un mehoransa. aña pasa mi a bira
mas malo y mi a papia cu mi longarts over di Stemcell mientras cu e no ta kere den e
tratamento ey. Hasta nan a bisami cu mi ta den mi fase final, pa mi bay cas trankil
numa i prepara mi “cuentanan”. Mi a manda verzoek pa AZV y esaki a worde nenga
door di un profesor di Hulanda, cu tampoco ta kere den Stemcell. Mi a disidi di spaar y
cu donacionnan mi a logra mi prome viahe y tratamento. Mi a tuma mi tratamento na
Februari e aña aki y a ripara di biaha un mehoransa den un siman. Awor mi ta
preparando pa mi double Stemcell aki un paar di luna cu sigur lo dunami un mihor
calidad di bida. Leynan na Aruba di AZV mester worde cambia i esey ta mi meta pa
hunto cu abogadonan demostra cu tratamentonan asina ta traha. Y asina mas hende
por haya cuido medico, cual ta nan derecho!”
Boso ta keda cordialmente invita pa reserva e dia aki pa Natalie’s Stemcell Fundraising.
Diadomingo 25 Juni 2017 na Villa Floralina. Cuminsando for di 9or di mainta pa 9or di
anochi.
Bini un, bini tur y disfruta di un dia familiar habriendo mainta di 9-11 a.m. cu
kerekentenchi, face painting, figura di blaas, Mickey Mouse ta bay tey pa saca potret cu
nos muchanan. Un dushi coffee morgen bon surti cu ambiente di caha di orgel di Nelson
Sprok.
Ta bay tin 2 Dino jump, popcorn y cotton candy i mucho mas.
Ambiente musical di Dj Chris, Dj Silvano, Dj Edson Tromp, Tsunami, Mellow Band,
Prodigy Brass, Robert y su solo banda, Claudius Phillips i Oreo, Buleria, Rincon Boyz,
