Page 2 - min soc 29 june 2015
P. 2
Dialuna Juni 29 2015 Pagina 9
DURANTE PROMER SIMAN DI VAKANTIE PA MUCHANAN DI 6 TE CU 12 AÑA
UNOCA TA PRESENTA ARTE ACTIVO KIDS CAMP
UNOCA, e fundacion cu
ta stimula cultura y ta
crea participacion activo
den cultura na Aruba ta
presenta un oportunidad
pa muchanan disfruta
di nan vakantie di
forma unico. Nan lo
haya oportunidad di los
nan creatividad, siña y
experiencia diferente
plataforma cultural na
un manera divertido y
activo. Ta trata aki di e
Arte Activo Kids Camp
cu lo tuma lugar dia 6 pa
10 di Juli na Scol di Arte,
San Nicolas. Scol di Arte
ta ofrece un espacio sigur
unda muchanan lo disfruta
sanamente, siña, baila,
pinta, lesa y crea storia y
arte manual cu lo wordo
exhibi riba e ultimo dia di
e camp. E camp ta brinda
un ambiente creativo cu
ta expone muchanan na
medionan di expresion
manera arte visual,
fotografia y musica entre
otro. Scol di Arte y UNOCA
ta traha cu artistanan local
pa e proyecto aki, cu lo
guia e muchanan durante
5 dia yena cu creatividad.
E camp ta di 9:00 am pa
4:00 pm. Contribucion pa
mucha lo ta 75 florin pa full
e siman y ta inclui lunch y
material. Por inscribi awe
mes na Scol di Arte, email
nos na sonia@unocaruba.
org of yama na 584-
9168. Pa mas informacion
di e Arte Activo Kids Camp
y otro eventonan cultural
por bishita UNOCA
ARUBA riba facebook.
