Page 7 - min soc 29 june 2015

AWEMainta Dialuna, 29 Juni 2015 27

REGISTRACION ta habri

ainda, sinembargo mayoria di
e tayernan a wordo inunda cu
aplicacionnan. Un trabou dificil
pa organisadornan di e programa,
kendenan tin e tarea dificil di
scoge for di e centenares di carta
di motivacion cu nan a ricibi for
di aplicantenan cu ta aspira pa
bira artista of pa desaroya nan
identidad artistico.

For di e chef aspirante di 13 aña
cu tin e soño di habri su mesun
restaurant y cu awor kier participa
den e tayernan di Arte Culinario,
te cu e bailadornan Super Estelar
cu ta buscando un oportunidad
pa traha cu e “Master Teacher” di
e aña aki, Dwight Cheuk A Lam,
kende tambe ta conoci como
Amsterdam su famoso coreografo
MR. Rebels.
Drentando su di 6 aña, Art
Rules ta sigui crece den forsa,
no solamente pa loke ta trata
e aplicante y studiantenan
participante, pero tambe birando
e plataforma mas grandi na
Aruba pa produci artistanan
profesional hoben.

Desde su lansamento na 2010,
Art Rules a inspira por lo menos
40 hoben Arubiano pa sigui un
educacion of carera profesional
den Arte; algun di nan studiando
of dunando presentacionnan
rond di mundo.
E por zona imposible, pero
actualmente tin Art Rulers na
Milan, Texas, Rotterdam, New
York y algun otro ciudad grandi.

Orguyoso pa ofrece e programa
un biaha mas, cu RBC Royal Bank
na mando, e banco aki y hopi
otro negoshi local ta responsable
pa sostene e casi 600 hobennan
cu a participa desde cu el a bira
e sponsor principal y fiel 6 aña
pasa.
E deadline pa registracion e aña
aki ta dia 10 di juli y e programa
lo cuminsa riba dia 20 di juli na e
Academy of Arts & Design Aruba.
Pa mas informacion bishita www.
artrules.org of like Art Rules
riba Facebook/artrulesaruba
Instagram @Artrulesflicks
Twitter@ArtrulesU