Page 28 - KPA MARCH 3,2015

Pa milenionan largo, hende y nan cultura a conta riba e diversidad di naturalesa y su mata y bestianan pa
sostenibilidad pa cuminda, paña, medicina y spiritualidad.
Naturalesa ta keda un parti esencial pa nos futuro cu componentenan importante manera ciencia,
tecnologia, recreacion y como parti di nos herencia. Asina aki secretario general di United Nations Sr.
Ban Ki-moon a dirigi prensa pa e ocasion di e prome aniversario di World Wildlife day. United Nations
General Assembly a proclama dia 3 di maart e aniversario cu a adopta e Convention International Trade
in Endangered Species of Wild Fauna and Flora (CITES) como dia cu ta observa World Wildlife Day. No
solamente Secretary General Ban Ki-moon a splica con a yega na adopta e dia 3 maart pero a elabora con
naturalesa ta bou menaza. Hopi especienan cu ta conoci y otronan cu no ta conoci ta importante pa nos
ecologia ta den peligro of ta den borde di extinction. E causa principal ta perdida di nan habitat y e
aumento den traficacion ilegal di sortonan di flora y fauna. Pesey e aña aki Wildlife Day a proclama e
lema “It’s time to get serious about wildlife crime”.
Directie Natuur en Milieu, departamento encarga cu maneho di naturalesa y medio ambiente pa Aruba
kier uni na esfuersonan di informa comunidad pa cu e importancia di un observacion di e dia aki. Ta
importante pa proteha nos bestianan y matanan local. Hopi di esakinan ya ta proteha pa CITES y nos di
DNM mester trece nan dilanti asina por engrandece nos conocemento di esakinan y nan importancia pa
nos herencia.
Adhunto e foto cu a causa un shock na Aruba, cu a ilustra un atentado contra Aruba su naturalesa y su
herencia como tambe un atentado contra un simbolo di un pais, simbolo cu ta aporta na nos Turismo
tambe.
Ariba un dia manera awe- DNM a organisa un workshop pa stakeholdersnan gubernamental y no-
gubernamental cu ta ocupa nan mes cu sortonan y habitatnan aki na Aruba. Aña pasa na juni un grupo
mas grandi di stakeholdernan a bini hunto unda a propone e prioridad di e temanan pa e maneho pa
Aruba su naturalesa y medio ambiente pa e añanan venidero. E temanan sortonan y habitat tambe ta
haya atencion pa locual ta trata ambicion, metanan, actividadnan specifico y indicadornan pa asina nan
ta completo y ehecutabel. Tambe na cua aspectonan mester tene na cuenta cune pa implementacion di e
maneho proponi.
Tanten cu conservacion no ta un virtud general, nos esfuerso ta pa influencia otro pa no comete crimen
contra nos naturalesa pero pa scoge conscientemente pa conserva nos flora y fauna precioso.

Comentarionan (2)

Mustra/Kita comentarionan
Kwihi Mortuum
March 02, 2015
2 0 1 .2 2 9 .6 7 .1 2 0
Votes: +5

...