Page 41 - MIN TTC - MAY 19 , 2015

Minister Benny Sevinger: Gobierno ta paga 1 florin pa huur
di edificio na San Nicolas

Monday, 18 May 2015 22:42
Comparti

Minister di Infrastructura Benny Sevinger dialuna mainta a confirma cu Financien ta paga e suma cu tin
specifica den contractnan di huur y e edificio cu tanto ta papia di dje na San Nicolas tin actualmente un
contract di 1 florin di huur pa luna.

E edificio cu partido MEP ta referi na dje den nan comentarionan, ta un edificio cu ta resorta bao di
Ministerio di Cultura en conexion cu un museum, unda cu Minister De Meza tambe ta envolvi como cu e
museo ta na San Nicolas. E contract di huur a bay manera tur otro via di DIP. Sevinger a subraya cu
Financien ta paga locual cu tin como suma stipula den e contract, esta 1 florin.

“Aña pasa ora cu nos a bay den e ronde y corta e huurnan, tabatin un comision cu a pasa na tur e
huurdonan cu ta huur cu gobierno y a yega na un acuerdo nobo pa corta e huurnan, anto den e caso ey
aworakinan nos a compronde cu e doño di e edificio na San Nicolas a dicidi cu e ta cambia su huur y e ta
pone na un florin,” Minister Sevinger a splica. Segun e mandatario e huurdo lo por a haci esaki pasobra
cu e kier yuda gobierno.

E mandatario a bisa cu e contract a conoce cambio ora cu e presupuesto ya tabata traha caba y p’esey riba
Presupuesto 2015 por wak e suma bieu, esta di 34 mil florin pa aña. Echo ta cu e doño di e edificio no ta
bay ricibi 34 mil florin pa 12 luna di huur, e suma aki ta keda den landskas y Financien ta paga 1 florin na
e doño.

“Niun hende ta coy niun placa hink’e den niun saco,” Sevinger a bisa enfaticamente. El a agrega cu
contrario na loke e gobierno anterior a haci di pago sumanan gigantesco na famia – y tur hende conoce e
storianan ey, e gobierno actual no ta haci cosnan di e indole aki y simplemente ful e asunto ta haya
atencion pasobra cu partido MEP kier haci un issue di dje.

Comentarionan (1)

Mustra/Kita comentarionan
bai lew
May 18, 2015
201.229.51.136
Votes: +0





...