Page 43 - MIN TTC - MAY 19 , 2015

promotie. Ora bo analiza e presupuesto 2015 bo ta wak cu miyones di florin ta bai na gastonan di
voorlichting en promotie pa cada minister anto e or abo ta puntra bo mes pakiko tin e departamento
BUVO. Si e ministernan tin e boluntad di laga BUVO haci voorlichting en promotie pa nan envez di nan
bureau esaki lo reduce e gastonan di gobierno cu miyones di florin.
Asina aki mi lo bai keda trece cantidad di ehempelnan dilanto con gobierno por reduce su gastonan envez
di castiga pueblo cu medida. Tin cantidad di solucionan pero gobierno mester tin e boluntad pa haci
esakinan y e gobierno aki a demostra incapaz y cu nan no tin e boluntad pa reduci nan gastonan! Castiga
pueblo cu medida NO ta solucionan e problemanan financiero cu nan mes a crea! Aruba tin mester di
alternative awor aki y no mas MEDIDA!

http://www.24ora.com/politica-mainmenu-18/95278-dangui-oduber-solucion-tin-boluntad-no-tey

Premier Eman tocante siguridad na cas di Minister Oduber:
“Mi no sa si ta hustifica pa haci esaki un issue politico di e
magnitud aki”

Monday, 18 May 2015 23:04
Comparti

Despues di varios caso di diferente experiencia di caso di menasa, pero particularmente un incidente cu a
envolve comportacion agresivo cu a pasa na cas di Minister Otmar Oduber, Conseho di Minister a aproba
pa fortifica e siguridad rond di specialmente e famia, esta na e cas, di e mandatario.

Esaki no ta un decision nada straño pa un gobierno tuma, como cu ta masha normal cu e gobierno ta
percura pa siguridad di ministernan, parlamentarionan y hasta funcionarionan di ministerio publico y
polis y of nan famianan ora y si esaki ta necesario.

Esaki Prome Minister Mike Eman a splica den un entrevista dialuna mainta, despues cu partido MEP a
haci comentario cu no ta hustifica pa uza placa di Pais Aruba pa pone camara di siguridad na cas di un
minister.

Eman a bisa cu como politico e persona hopi biaha ta tuma e decision pa expone su mes na e realidad di
ta personanan publico cu tin biaha den polarisacion politico ta haya nan mes confronta cu agresividad.
Ta cosnan cu por pasa, y e ta compronde esaki mas ainda como un persona cu a nace den un famia cu pa
algun generacion caba ta envolvi den politiek, e ta tum’e casi como normal y como parti di e bida politico.

Cu e famia ta bira victim inocente, tanten cu nan no a scoge pa ta den e situacion aki ta algo mester tene
cuenta cune semper, segun e prome mandatario.

Den e caso di Minister Otmar Oduber a sinti cu mester di extra siguridad rond di su cas pasobra tabatin e
caso specifico cu el a pasa aden y p’esey Ministerraad a haya cu esaki ta mas cu hustifica y a aproba su
peticion.