Page 24 - AUA BNK April 16, 2015

Ni un momento ta intencion pa e cliente paga e impuesto cu banconan local
mester paga Banco Central

Publication: Thursday, 16 April 2015. Categoria: General

Minister di Finanza Angel Bermudez

ORANJESTAD (AAN) Un impuesto riba tur transaccionnan internacional cu lo worde cobra
riba banconan, ta loke ta den discusion ultimo dianan. E preocupacion ta existi cu esaki a lo largo
lo bay worde cobra back na e consumidornan. Den combersacion cu Minister di Finanza Angel
Bermudez, el a splica ampliamente kico e impuesto aki ta y for di ki tempo ta trahando riba dje.

E ley aki, segun e mandatario a splica, ta algo cu el a constata cu tabata den preparacion na
momento cu aña pasa el a asumi e puesto di Minister di Finanza. Pero tabatin diferente proyecto
di ley prepara basa riba combersacionnan hiba y decisionnan tuma y cualnan mester a worde
formalisa den Parlamento.

E concepto di ley di Koersmarge Vergoeding, cual ta un prima cu Banco Central lo mester bay
cobra e banconan local pa e trabaonan cu Banco Central ta haci pa nan, esta principalmente
administracion y maneho di e trafico di divisa .

E mandatario a mustra riba e hecho cu Aruba a ratifica cierto tratado cu ta nifica cu mester
cumpli tambe cu cierto reglanan. E ta bisa cu a base di regla di areglonan internacional cu ta bira
aplicabel basa riba Tratadonan cera, ta haci cu e supervision di BC riba e sector monetario y
bancario ta aumentando. “Nan tin mas tarea pa cu esaki y un parti di e tarea ta e trafico di
divisas. Door cu e trabaonan ey a aumenta drasticamente, BC a dicidi cu ta bay cobra e banconan
local pa e trabao cu e tin cu a haci a base di su obligacion di supervision riba e banconan.” El a
recorda na mesun momento cu banconan local ta cobra cada persona cu haci un transaccion di
divisa un comision chikito. Pesey Banco Central a bisa cu di e comision ey, nan kier un parti pa e
trabao cu nan ta haci. Y esaki ta un 1/8% di benta y 3/8 porciento ora di compra. Den e ley ta
para cu ta cobra e banconan for di e comision cu nan ta cobra. Pues e ta algo cu ta cobra for di
loke banconan ta hayando caba.

“Loke cu a pasa awor ta cu e banconan a bay den publicidad y a bisa cu nan ta bay cobre na
esnan cu ta bin bende y compra divisa, mientras cu esey no tabata intencion di e ley. Loke ta