Page 25 - AUA BNK April 16, 2015

cobra ta un parti di e comision cu banconan ta cobrando caba. Loke por mira ta cu e banconan
local no ta dispuesto pa duna un parti di nan bolo y kier carga e pueblo cune.” El a sigui splica cu
ora e situacion a bira malo intencionalmente, financieramente y economicamente, ta mesun cos a
sosode: banconan cu ta den un zona basta confortabel, ta purba mantene nan margen door di
reduci drasticamente e interes cu nan ta paga riba cuentanan di spaar, pa logra mantene nan
margen. “Nan no ta absorba e consecuencianan di e cambionan riba mercado internacional. Y
esaki a sosode awor, cu nan kier pone riba loke nan ta cobra caba na e clientenan. Esey ta causa e
discusion aki, cu mester ta un discusion entre Banco Central y Banconan local.”

E Minister di Finanza a splica cu tin varios palabracion cu a worde haci, cu mester poni den ley y
formalisanan via Parlamento. E ta haya cu unabes cu yega na cierto acuerdonan, no por laga
esakinan drumi sin mas. Y den tur e trabaonan di preparacion di presupuesto 2015, el a bin ta
trahando pa manda cada un di e leynan aki Parlamento asina cu e chens ta duna. “Tur ta cosnan
cu a worde palabra den pasado.”

E ley aki a worde formalisa na final di 2014 y pa e drenta na vigor mester bini cu un
Landsbesluit na momento cu Banco Central dicidi cu e mester sosode. Recientemente e instituto
financiero a indica cu nan kier cuminsa cobra e banconan e compensacion aki fin di e luna aki. E
ley, manera el a worde concipia, no ta prohibi e banconan pa cobra nan clientenan e suma aki,
pero esaki sigur no tabata e intencion di BC. Nan ta kere cu ta e banconan mester entrega un parti
di e comision cu nan ta cobrando caba.

Pa finalisa, e Minister a comenta cu si e constata cu e ley aki tin cierto consecuencia- y efectonan
no deseabel den e economia, lo mester evalua e ley aki y wak con por adapta, door di prohibi cu
e ta cobra e clientenan. “Pero mester wak prome si e tin consecuencia negativo.”

http://www.diario.aw/2015/04/ni-un-momento-ta-intencion-pa-e-cliente-paga-e-impuesto-cu-
banconan-local-mester-paga-banco-central/