Page 26 - Min Soc

DIASABRA 25 JULI 2015 DIARIO
Escases di hende bunita y cabayerosidad ta
colga na awa di bida
Ultimo dianan mi a lesa di e polemica cu lo ta existi, cu na DIMAS lo
nombra un sub director, of ta director adhunto, of ta director suplente, hende muher. Nos ta dispuesto pa haci tur cos pa hende muher, cu
of ta un vice director, of kizas ta un vieze directeur.
E redonan y rumornan a asocia esaki cu entregamento (lesa: ben-
demento) di permiso na hendenan di paisnan latino cu mester aki pa
traha riba e pista di drag race nobo, “Pista di coredor berde”.
Den corant di Corsou mi a lesa cu mester cera porta pa contratacion
di stranheronan pa asina yiunan di tera haya trabao. Aki tambe por a
lesa mey mey di e frasenan, “pa frena bendemento di permiso”.
Nos suerte ta, cu nos politiconan ta gaña nos y nos ta kere tambe
cu nos economia ta fuerte y cu taza di desempleo ta abao. Nos du-
nadornan di trabao a hasta baha nan standard y ta emplea kende cu
ta cu ta cana riba caya y no ta hole.
Esaki a haci cu por tin ningun excusa pa bo ta sin trabao awe, cu
excepcion si bo ta casa cu un persona cu ta dispuesto di bay traha
tur dia, mientras bo ta mehora bo mes kedando cas, manera hopi
trahador di KIA tabata haciendo den “siglo di Pre-Trudi”.
Manera hopi hende ta yegando nos isla di parti pariba, “Playa pa
baby”, of via e lugar dushi di “Mangel di altura”, of via e santana
“Barco Dera” of via e “Banda pa Surf”, esaki ta un bon temporada
pa nan busca trabao.
* Na algun compania nan djis ta rekeri di bisa: “ Ami necesitar tra-
bao”
* Tur interesado femenino mester tin no menos di 20 tattoo y 3
renchi pa cada parti di curpa. Cada buraco di nanishi ta conta
como un parti separa di nan curpa.
* Tur cu aplica mester ta ciudadano cu paspoort di Aruba, a menos
cu nan tin habilidadnan unico, manera e habilidad di traha barata
(lesa: chiep leebor).
* Esnan cu aplica y cu tin record criminal lo no wordo considera pa
empleo, a menos cu nan por hura pa no horta e machine di bende
refresco of di snacks.
* Tur cu aplica mester pasa obligatoriamente un test di droga of
mester bay di acuerdo pa laga tur droga atras den nan auto.
Ora mira cierto promocionnan comercial den corantnan, of na televi-
sion tambe promocionnan pa cierto productonan of cierto actividad-
nan, bo ta ripara cu esnan cu por haya empleo unda cu ta, ta modelo-
nan y si mira bon, hopi di nan no ta yiu di tera tampoco.
Algun agencia a baha nan standard asina hopi cu cualquier persona
cu bunita cara y curpa por bira modelo pa nan. Hasta sin cirugia
plastico. ( Bo tin razon. Kizas mi ta bay mucho leu).
Esaki parce un crisis na Aruba. Nos ta hayando escases di hende
bunita of di bon tipo.
Unda tur a bay? Hopi investigacion no mester haci mas.
Nan ta trahando den exterior unda nan ta cobra pa “popularidad” y
no pa loke nan bal pa e trabao cu nan ta haci.
Otro problema ta cu hendenan bunita of hobennan cu bon tipo, ta
casa hopi biaha cu hendenan menos bunita of di menos bon tipo.
Ta net e hombernan aki ta esnan cu ta mas cabayero tur caminda y e
muhernan mas servicial y amabel cu tur hende.
Mi ta gusta pa nan bisami cu mi ta “un cabayero”, pasobra tin hopi
cos cu mi sa haci, cu otronan ta considera “no macho!”
Tin hende cu ta kere cu “cabayerosidad ta morto”. No ta asina, e ta
djis colga na awa di bida. Docternan ta haci tur lo posibel pa dun’e
bida nobo.
Pero si mira bon, nos berdad kier pa nan haci esaki? Mi ta kere cu e
pregunta aki mester wordo contesta pa hende muher.
PAGINA 29
Homber ta cla pa habri porta pa nan, entrega nan asiento of stoel pa
excepcion di carga nan tas ora di haci compras.
Hasta e cabayero tin cu yega su punto final un dia, principalmente
awendia cu tin tanto camera di cellular, tablet, laptop y di edificionan
tur caminda. Ningun hende kier ta e figura principal den un pelicula-
video viral cu ta menciona: “E guy aki a perde su hombresa”.
Den caso asina, sigur no ta tur hende homber lo tin e curashi tam-
poco pa sali na bo defensa.
Hopi di nos tin masha mal manera. Bo conoc’e sigur: -- e tipo cu e
unico porta cu e lo habri pa bo ta e porta di cushina. Ora bo caba di
cushina un cuminda hopi dushi, e lo keda spera riba bo pa bo sirbi’e,
bisando, “Habriendo e porta pa bo a cansa mi”.
Anto mayoria di nos kier wordo considera di ta “un cabayero”.
Tabata tin berdad un tempo cu nos lo haci tur cos pa un hende
muher. Mi memoria no ta perfecto, pero mi ta corda un momento
prome cu nos a drenta e milenio aki, mas o menos 35 aña pasa, cu
mi a habri porta pa un “juffrouw”. Of ta soña mi a soña? No, mi ta
sigur cu el a pasa di berdad.
Mi a para auto dilanti cura, cana bay rond di e auto y habri porta pa
mi señora bunita. El a tira mi un wowo cu expresion di confusion y a
puntra mi: “Kico bo a haci robez atrobe ?”
“Kico bo kiermen?” Mi a puntra.
“Wel, bo mester a haci algo robez y ta trata di sali bon for di dje”.
“Mi no a haci nada malo. Mi ta djis trata di ta un cabayero”.
“Cabayero?” Laga mi rei: -- Bo mester di placa atrobe!”
Si, hende muher tin biaha por ta poco sospechoso ora bo duna nan
un atencion extra .
Pero esey no ta e motibo cu cabayerosidad ta colga na awa di bida.
Awendia hopi muher kier wordo trata igual. “Mi por haci tur cos
cu bo por”, e lo bisa e homber den su bida. “Bo no tin cu trata mi
como e sexo debil”.
“Okay, ta bon, mi ta bay sinta riba sofa y wak wega di bala na
television”.
“Prome cu bo haci esey, bo por habri e botter di pica aki pa mi?
E parce ta pega”.
Aki e homber ta confundi pasobra: E no a bisa e homber poco prome
pa no trat’e como e sexo debil? Ta parce cu toch e no por haci tur cos
cu e homber por.
Despues di tur cos, “ki dia tabata e ultimo dia cu e señora a crece
bigoti”.
Pero pa e homber tambe ta conoci cu e no por haci tur cos cu e
muher por. Ki dia tabata e ultimo biaha cu e homber a duna luz?
Cada sexo igualmente ta capaz di cierto tarea. E homber ta realiza
esaki y ta stop di habri porta pa hende muher, tambe stop di entrega
su asiento den bus of den un sala di consultorio di docter of na hos-
pital, of na SETAR of na ELMAR.
Ta yega e ora ey e dia cu un muher di edad ta bis’e den sala di
SETAR: “Kico a pasa cu cabayerosidad?”
E lo contesta e ora ey: “Mi ta punta mi mes e mes un cos. Mi ta-
bata aki den ayera y ningun hende muher a lanta pa dunami un
lugar di sinta”.
Juby Naar