Page 7 - AVP OCT 20 2020
P. 7
10 AWEMainta Diamars, 20 October 2020
Partido MEP cu campaña di formulario di Impuesto “Covid Proof”
MESCOS cu tur aña, Partido MEP e aña aki tambe ta
duna ayudo cu yenamento di formulario di Impuesto di
Entrada 2019. Debi na Covid e procedura ta diferente.
HACI CITA:
E biaha aki ta traha solamente cu cita. Por haci un cita
na number 560 5101, y dia di e cita e persona ta entrega
e formulario estilo “drive tru” y den 15 minuut e formu-
lario ta yena y duna bek den man di e persona.
E formularionan no ta keda atras na Cede di MEP, pa-
sobra ta trata di informacion confidencial, y no por core
riesgo cu nan ta perde.
Durante e cita e persona ta warda den su auto y despues
e por sigui haci su diligencianan. Debi n’e procedura aki,
no por atende mes hopi hende pareu, pero lo haci tur lo
posibel pa atende tur hende.
DOCUMENTONAN:
Pa por yena e formulario ta importante pa bo tin com-
probante di entrada anual, sea di trabou of di pensioen,
tambe di SVB. Y si bo tin debe cu bo ta paga interes,
mester di comprobante di e interes paga den 2019. Tam-
be por inclui comprobante di prima di seguro di bida
paga den 2019.
Finalmente si tin yiunan ta studia den exterior, mester
inclui comprobante di inscripcion di e yiu n’e scol den
exterior. Bo tin te dia 2 di november 2020 pa entrega e
formulario.
CONTACTO CU SOSTENEDORNAN DI MEP:
“Nunca nos a perde contacto cu nos sostenedornan, y es-
pecialmente no durante temporada di impuesto. Esaki
semper ta un temporada importante pa nos partido y
pa nos sostenedornan. E aña aki lamentablemente nos
mester tene poco distancia, pues no por duna otro man
ni brasa manera nos ta custumbra, pero ta pa nos propio
bienestar.
Mi por a saluda hopi di nos hendenan atrobe durante e
dianan cu mi a participa n’e campaña, y hunto cu nos
ekipo, por a yuda nos hendenan. Esey ta haci mi conten-
to. Paga impuesto ta deber di nos tur, pero no paga di-
mas impuesto. Yena bo formulario y entreg’e na tempo”,
lider di MEP, Evelyn Wever-Croes a duna di conoce.
