Page 40 - Flip Min.vos

http://www.24ora.com/politica-mainmenu-18/91673-qgobierno-ta-enfoca-riba-e-mesun-metanan-cu-
nos-y-nos-ta-compronde-otroq

Minister Alex Schwengle a anuncia “Health Care Conference
Aruba 2015”

Tuesday, 10 February 2015 22:45
Comparti

Minister Dr. Alex Schwengle a anuncia “Health Care Conference Aruba 2015” cu ta tuma luga den
Renaissance Convention Center entre dia 1 y 4 di Juni 2015. Meta di e congreso ta pa logra y reenforsa
colaboracion entre diferente paisnan den Caribe Hulandes, cu e proposito na yega na solucionnan pa
retonan comun den area di salubridad.
“E necesidad pa e conferencia aki entre paisnan den Reino ta grandi y ta pa e motibo aki cu mi a bishita
esunnan envolvi na Hulanda y otro islanan den reino pa yega na e structura di deseonan y programa”,
asina e mandatario encarga cu Salubridad ta splica. “Trahando hunto nos por traha riba calidad di cuido
y tambe riba e situacion financiero di salubridad”, asina Minister Dr. Alex Schwengle a enfatisa.
A organisa e conferencia aki riba peticion di e Inter Parlamentair Koninkrijksoverleg (IPKO) y tin como
tema “Health Care system in small communities (Caribbean region). E temanan lo wordo presenta pa
entre otro, pa oradornan di Erasmus University di Rotterdam, TIAS/NIMBAS di Tilburg, Harvard
University, Be Bright Foundation di Belgica, PAHO, Baptist Health International di Miami y World Bank.
E conferencia lo ta riba nivel di maneho den e ramo di salud. E participantenan lo ta profesionalnan riba
tereno di salud, dokternan, specialista, nurse, boticario, pero tambe miembronan di comisionnan di