Page 41 - Flip Min.vos

maneho, cuerpo di supervision di organisacionnan y institutonan di salud.
“E idea ta pa e conferencia ta basa riba temanan di salubridad y su maneho y no di politica”, di acuerdo
cu Minister Dr. Alex Schwengle a reafirma. E conferencia ta ofrece 6 punto di acreditacion pa cada dia cu
un maximo di 18 punto di acreditacion pa full e conferencia.
Entre e oradornan lo presenta Derek Haas, Project Director for Value-Based Health Care Delivery y
fundado di Avant-garde Health. Recientemente Derek Haas a haci publicacion di Harvard Business
Review article, "How Not to Cut Health Care Costs. Tambe Dr. M. Joycelyn Elders, un Profesor di Public
Health na University of Arkansas School of Public Health y tambe na Clinton School of Public Policy.
Riba 31 di Mei lo tuma luga e apertura di e conferencia cu un anochi di Gala na beneficio di Rode Kruis
Aruba. Ademas di ta e dia di inscripcion, durante e anochi aki Orkesta Sinfonico Hubenil Simon Bolivar
hunto cu artistanan Tica Giel, Landa Henriquez y Angelique Janssen lo duna un bunita concierto pa
recauda fondo pa Rode Kruis.
“E motibo pakico a scoge pa Rode Kruis e aña aki ta pasobra e ta simbolisa “Team Work”. Rode Kruis ta
un instancia Internacional cu ta mara hopi pais cu otro. Rode Kruis ta un instancia cu no por funciona sin
e cooperacion dim as cu un instancia y ta esun cu ta perfila na momento di catastrofe grandi. Pesey e
escogencia.” Minister Schwengle ta sigui splica.
“Ta e intencion di ripiti e conferencia aki cada dos aña, pa monitor tur e acuerdonan cu ta ser logra pero
tambe pa intercambia e cambionan stipula. Y cada dos aña lo sigui cu e recaudacion pa un instancia cu ta
toca salubridad” Minister Schwengle ta termina.
E congreso ta bira realidad a base di un sondeo haci di e percepcion robes cu tin na Aruba riba e nivel di
calidad den salubridad y cu un congreso asina por yega mucho mas cerca na engrandece nos cuido
medico y yega mucho mas cerca di e pashent y yega mucho mas cerca di e ciudadano.
Hopi informacion ta wordo duna riba salubridad a base di polarisacion y ta e obhetividad ta wordo busca
a traves di e Congreso. Falta educacion y dialogo y ta pa e motibo aki e expectativa ta hopi halto. Tur
esunnan cu ta interesa pa participa na e congreso aki y kier mas informacion por bishita e website
www.hcca.aw of manda un e-mail na info@hcca.aw.

http://www.24ora.com/politica-mainmenu-18/91677-minister-alex-schwengle-a-anuncia-health-care-
conference-aruba-2015
http://masnoticia.com/coa-haci-entrega-di-un-manual-di-educacion-fisico-di-calidad-na-minister-di-
salubridad-publico/