Page 57 - MIN TTC - MAY 21,2015

Parlamentario mr. Xiomara Maduro: Minister Oduber a
purba na dos ocacion pa abusa di fondo publico pa paga
alarma di cas

Wednesday, 20 May 2015 16:25
Comparti

Gabinete Eman ta abusa di e fondo publico di e Pais aki. E siman aki nos a mustra con e ministerraad di
nos Pais a bay di acuerdo pa paga pa un sistema di alarma wordo instala na cas di Minister Otmar
Oduber.

Esaki ta algo cu no por pa ley, ta contra tur moral, pero ta duna un bon bista di e mentalidad di abuso cu
cual Gabinete Eman ta goberna e Pais aki. Na dos ocacion Minister Oduber a purba pa abusa di fondo
publico pa paga pa alarma di su cas, pero ela wordo para.

A purba cu inkooporder na december 2014
Ya caba for di 15 di december 2015 Minister Oduber a manda un inkooporder pa Departamento di
Finanzas pidiendo pa e costonan di alarma wordo paga cu fondo publico. Pero dia 23 di December 2014,
e director di e departamento a splica e mandatario cu nan ta manda e inkooporder aki bek, ya cu e
alarma ta pa su cas priva y ley no ta permiti e pago ey. Segun ley solamente pa edificio di gobierno por
paga tipo di instalacion asina. Nan a sigi splica e mandatario cu si den practica ta mustra cu tin necesidad
pa cubri e gastonan aki, anto Minister Oduber mester busca conseho di departamentonan relevante di
gobierno manera Departamento di Recurso Humano y mester un decicion di Ministerraad riba esaki.
Pues aki ta promer bes cu Minister Oduber a wordo para pa asina no abusa di fondo publico.

A purba via Ministerraad na januari 2015
Minister Oduber ta bisa den su defensa cu e mes a paga tur gasto di alarma aña pasa caba. Pero
documentacion di Ministerraad di 20 januari 2015 ta mustra cu Minister Oduber dia 13 di januari 2015 a
bay pidi Ministerraad pa paga pa e alarma cu fondo publico. Den e decicion ta poni ‘instemmen met het
vergoeden van de aanleg van een alarmsysteem bij de woning van MinTTPSC, conform declaratie.’ Pues
cu otro palabra, asina mes cu Departamento di Finanzas a bisa e mandatario caba na december 2014 cu
Gobierno NO por paga pa e alarma, TOCH Minister Oduber a bay pidi su colleganan pa ‘overrule’ e
decicion aki. Pero aki ATROBE nan a para e abuso aki den un carta di 24 februari 2015, den cual e
director a splica cu no por ehecuta e decicion di e ministernan ya cu ley no ta permiti esaki y tampoco por
regala Minister Oduber e alarma aki pa su cas conforme articulo 28 di ley di Comptabilidad.

Mentalidad di abuso
Aki atrobe Pueblo por constata e mentalidad abusivo cu Gabinete Eman ta goberna nos Pais. Ministernan
Eman y Oduber enves di a papia e berdad den e asunto di alarma aki, a sinta manipula y gania e Pueblo
bisando cu locual nos a trece dilanti no ta berdad. Pero ata e documentonan ta papia pa nan mes y ta
mustra un biaha mas cu hendenan asina cu no tin ningun tipo di berguensa, no merece di ta dirigi e