Page 54 - ARUBA BANK

E dignatario a expresa cu comunidad a duna indicacion den tempo di eleccion, y MEP
tambe a trece dilanti, cu pueblo kier control riba prijs den supermercado y ampliacion di
e macuto basico.

El a splica siman pasa tocante e trabao cu ta wordo haci y e investigacion cu a tuma
lugar como tambe e comision cu a wordo lanta y cu ta trahando riba ampliacion di e
productonan di e macuto basico.

Riba e punto aki ora e comision keda cla cu su trabao e dignatario lo bin cu mas
informacion pa e pueblo. Ademas, siman pasa a introduci un app unda cu e pueblo
tambe por tin e poder di compra den su man, unda cu haciendo uso di tecnologia, e
parti di innovacion cu Gabinete Wever-Croes sin duda ta para pe, e pueblo consumidor

mes por controla e parti di prijs.

E mandatario a splica cu e control aki no ta elimina e control normal cu tin aworaki. E
control ta wordo eherce tur dia. El a señala cu tur mainta e prijs maximo di e macuto

basico ta wordo controla y banda di esey, merdia ta tuma lugar e controlnan di permiso
di negoshi. Pues kico tur ta pasando, si tur hende tin nan permiso.

Minister Ruiz- Maduro a señala cu tin hopi supermercado na Aruba y pesey ora e control

ta tumando lugar den otro bario, e consumidor mes no ta mira pero esey no ta nifica cu
e no ta pasando.

E dignatario a duna di conoce cu pa siman un total di 45 supermercado ta wordo

bishita, y mas of menos pa 180 supermercado tin tres controlador cu ta haciendo e
control un biaha pa luna, y cada biaha e controlador ta haci observacion di prijs cada
dos siman, encuanto e macuto basico.

E mandatario a bisa tambe cu na e momentonan aki tin un task force, den cual cada
tres luna Departamento Economico, Departamento di Salubridad y Cuerpo Policial, ta
bin hunto pa haci un control mas riguroso.

Den e controlnan aki cu a tuma lugar siman pasa, diamars y diaranzon awor, unda tin
supermercadonan cu a wordo cera. Di parti di Salubridad a mira cu tin productonan cu
a vence y ta lamentable pa trece dilanti, e dignatario a expresa, cu tin supermercado
unda a haya productonan cu a vence na 2015. Otronan cu a pasa di 2017. A mira