Page 55 - ARUBA BANK

producto contamina cu sushi di raton. Frizernan cu no ta cera bon, unda tin
alimentonan manera carni poni, y tambe cuminda pa cacho.

“Señores, nos a indica cu nos ta bay pone e control necesario na e pais aki pa orden

por bin. Y pesey e ora ey mas cu claro, tur hende ta trahando den e direccion pa e
controlnan aki por sigui, y pa seguridad di e salubridad di e pais aki pasobra nos mester
sa kico nos ta haya pa nos come y bebe, y con esaki ta yega na e consumidor”, Minister
Xiomara Ruiz-Maduro a subraya.

El a enfatiza cu pesey ta importante pa e controlnan aki sigui tuma lugar. Gobierno ta
trece esaki den prensa pa pueblo ta conciente pasobra tin hende ta bisa cu nan no ta
mira nada (control). E mandatario a pidi pueblo pa tin un tiki Fe pasobra e controlnan

ta tumando lugar y incluso tin filmacion pa pasa den rednan social pa pueblo wak cu tin
constancia cu e trabaonan di control aki ta wordo haci, pa nan tin resultado. El a
remarca cu esnan cu no ta tene nan mes na e cuadro di ley y higiene, nan lugar ta
wordo cera. Y cera pa un negociante kiermen perdida di placa. Pero mas importante cu

placa, e mandatario a acentua, ta e salubridad di nos pais y e control di locual ta bira
abuso di prijs.

Minister di economia y finanza a adverti e negociantenan aki pa tene cuenta cu nos

leynan y cu higiene, pasobra e task force aki ta bay sigui controla y cu esaki ta pa
garantiza salud di nos pueblo y di nan mes, pasobra nos ta paga pa e producto y nos
kier calidad di locual nos ta cumpra.