Page 40 - Extra

40 Djarason 9 Mart 2016

...Pendiente
konsenso polítiko a
bah’é fo’i agènda....

KONSESHON
HAF KORSOU
BATATA KAYENTE
DJARASON DEN

KDM

WILLEMSTAD.- Pèrmit
i konseshon den Haf
di Kòrsou òf Brionwerf
manera ta yama e
terminal di kònteiner den
sírkulonan portuario lo
ta riba agènda di reunion
di konseho di minister
djarason awor despues ku
a baha e tópiko importante
i alabes sensitivo aki fo’i
agènda di reunion di KdM
di djabièrnè siman pasá.
Informashonnan ku nos
ta disponé di dje i ku a
keda konfirmá pa minister
Eugene Rhuggenaath ta
indiká ku a opta pa baha
e punto fo’i agènda pa
permití partidonan buska
konsenso polítiko.

Den e konteksto aki
mester informá ku djaluna
mainta un delegashon di
PAR enkabesá pa su lider
polítiko Zita Jesus-Leito a
keda di reuní ku hefatura
polítiko di Pueblo Soberano
enkabesá pa Haime
Cordoba, lider polítiko di
e partido ku komo partido
di signatura ta sigui oponé
kontra diferente parti dje
kontrato ku a negoshá ku
CPS. Den kaso ku no logra
konsenso polítiko por bisa
ku e punto lo bai reunion
di Konseho di Minister
sin akuerdo entre e
partnernan den koalishon.
Un senario asina por haña
un desenlase fastioso otro
siman ora parlamento di
Kòrsou bini huntu pa trata
e punto di Haf i pèrmit/
konseshon.

Ta trata dje reunion pa
kua no tabatin quorem
ora frakshon di Pueblo
Soberano no a presentá.
Den sírkulonan polítiko
ta papiando di vários
senario kaminda por pidi
i haña sosten polítiko di
partidonan di oposishon
sin ku esaki ta nifiká
pèrdèmentu di kara pa
Pueblo Soberano. Oloshi
turesten ta sigui kana i
tempu konsekuentemente
no ta aliado mas pa un
operashon efisiente i sigur
den Haf di Kònteiner di
Kòrsou.