Page 41 - Extra

Djarason 9 Mart 2016 41
James Wilson ofisial
di Departamentu
di Prevenshon

Brantwer:

MESTER KONTROLA
EDIFISIONAN

GRANDI PA EVITA
KASONAN PIO!

...Despues ku dama
a kai kibra pia den

edifisio SOAW...

WILLEMSTAD.- “Pa ami
e kaso aki mester ta un
atvertensha serio pa yama
brantwer adelantá ora ta hasi
e tipo di konstrukshonnan
aki, i no despues paso bo ta
haña konseho na tempu”,
esaki tabata e palabranan
di sr. James Wilson ku ta
ofisial di departamentu di
Prevenshon na Brantwer.
Señor James a bisa EXTRA
ku el a haña vários reakshon
entre otro di un persona
ku a amplia ta for di kua
trapi e víktima a kai. E
dama ta forma parti di
funshonarionan ku SOAW a
kaba di tuma den servisio pa
bira inspektornan di labor.

“ E señora a kibra pia pero
por tabata algu mas grave.
Mester drecha lihé promé
ku algu mas serio sosodé.
Mester ehekutá un ‘plan van
aanpak mas pronto posibel!”,
asina sr. James a enfatisá. Un
di e puntonan ku ta bale la
pena menshoná di e kaso di e
edifisio aki ta, ku a konstruí
nan hopi promé ku brantwer
mes, tabata eksistí. Segun
sr. James, brantwer ta wak
‘brandveilihgheid den kaso
ku e hende mester kore bai’.

Seguridat den edifisionan
grandi, kaminda tin hopi
hende ta esensial pa haña
konseho di brantwer.
Pero brantwer a kuminsá
funshoná na 1975, 41 aña
pasá. Ta e tempu ei, numa a
kuminsá pone kondishonnan
pa seguridat di edifisionan
públiko. E edifisionan di
plak na otro ta promé ku
brantwer tabata eksistí mes.
Domeinbeheer ta e instansha
ofisial ku lo por ‘trace’ bek e
pèrmitnan di e edifisionan di
Tauber i La Ganga ku despues
a bira “La Curaçao”.

E parti di e tegelnan di
glazür ku mester plak i e
atvertensha ku mester a pone
na e trapi promé ku kaba di
drecha e edifisio ta keda
pa kuenta di SOAW. “Nos
no sa mes ken ta bai hasi e
investigashon di kiko a pasa,
pero lo ta masha interesante
pa sa e resultado”, asina sr.
James a bisa finalmente.