Page 29 - flip min.on
P. 29
Local
E siman aki SKOA a manda un carta pa tur mayor cu tin yiu cu ta atendiendo scol cu ta resorta bao di SKOA,
notificando loke tur hende sa caba for di aña pasa November, cu e suma pa contribucion escolar a aumenta. Loke a
bin acerca ta cu awo a bin un sistema di reinscripcion pa asina garantisa cupo di e mucha na un scol.
Den e carta, ta indica cu den luna di November aña pasa, manera cu a menciona anteriormente, SKOA a informa
comunidad cu entrante di aña escolar 2015-2016, e pago escolar pa tur su scolnan y pa cada alumno lo bira Afls.
250,-. Si un scol ta dispone di airco, e mayor lo tin cu paga e suma adicional (extra) di Afls., 150,-.
Esey ta nifica cu si un mayor tin un yiu, cu ta bayendo un scol, cu tin airco instala, y ta cay bao di maneho di SKOA,
e no lo tin cu paga Afls. 250,-, sino Afls. 400,-.
E carta ta sigui bisa cu SKOA su meta principal ta pa brinda enseñanza di calidad pa tur su alumnonan. Pa por sigui
desaroya y mehora e ideologia aki, SKOA mester a tuma e decision di aumenta e pago escolar. E suma di Afls. 250,-
, ta inclui tur gasto di actividad di scol. Pa cualkier pregunta of remarke relaciona cu e pago escolar, mayor por tuma
contacto cu scol of SKOA, via: pago.escolar@skoa.aw.
E di dos punto cu e carta a toca, ta e reinscripcion di e muchanan.
E carta ta indica cu SKOA lo implementa e sistema di reinscripcion den tur su scolnan. E reinscripcion pa e aña
escolar 2015-2016 lo tuma luga den luna di Maart 2015. Mayornan lo ricibi e formulario di reinscripcion for di e
scol den e ultimo siman di Februari 2015. Na momento di reinscripcion, e suma completo di e pago escolar of e
suma inicial di Afls. 125,- mester ta paga na banco. E mayornan cu pa un motibo of otro a paga solamente e suma
incicial, tin e espacio te cu dia 30 di Juni, 2015, pa cancela e suma restante.
Ta sumamente importante pa e mayor reinscribi su yiu(nan) na scol y cumpli cu e pago den su totalidad, pa asina
garantisa e cupo di e yiu(nan) pa loke ta regarda e aña escolar 2015-2016.
E siman aki SKOA a manda un carta pa tur mayor cu tin yiu cu ta atendiendo scol cu ta resorta bao di SKOA,
notificando loke tur hende sa caba for di aña pasa November, cu e suma pa contribucion escolar a aumenta. Loke a
bin acerca ta cu awo a bin un sistema di reinscripcion pa asina garantisa cupo di e mucha na un scol.
Den e carta, ta indica cu den luna di November aña pasa, manera cu a menciona anteriormente, SKOA a informa
comunidad cu entrante di aña escolar 2015-2016, e pago escolar pa tur su scolnan y pa cada alumno lo bira Afls.
250,-. Si un scol ta dispone di airco, e mayor lo tin cu paga e suma adicional (extra) di Afls., 150,-.
Esey ta nifica cu si un mayor tin un yiu, cu ta bayendo un scol, cu tin airco instala, y ta cay bao di maneho di SKOA,
e no lo tin cu paga Afls. 250,-, sino Afls. 400,-.
E carta ta sigui bisa cu SKOA su meta principal ta pa brinda enseñanza di calidad pa tur su alumnonan. Pa por sigui
desaroya y mehora e ideologia aki, SKOA mester a tuma e decision di aumenta e pago escolar. E suma di Afls. 250,-
, ta inclui tur gasto di actividad di scol. Pa cualkier pregunta of remarke relaciona cu e pago escolar, mayor por tuma
contacto cu scol of SKOA, via: pago.escolar@skoa.aw.
E di dos punto cu e carta a toca, ta e reinscripcion di e muchanan.
E carta ta indica cu SKOA lo implementa e sistema di reinscripcion den tur su scolnan. E reinscripcion pa e aña
escolar 2015-2016 lo tuma luga den luna di Maart 2015. Mayornan lo ricibi e formulario di reinscripcion for di e
scol den e ultimo siman di Februari 2015. Na momento di reinscripcion, e suma completo di e pago escolar of e
suma inicial di Afls. 125,- mester ta paga na banco. E mayornan cu pa un motibo of otro a paga solamente e suma
incicial, tin e espacio te cu dia 30 di Juni, 2015, pa cancela e suma restante.
Ta sumamente importante pa e mayor reinscribi su yiu(nan) na scol y cumpli cu e pago den su totalidad, pa asina
garantisa e cupo di e yiu(nan) pa loke ta regarda e aña escolar 2015-2016.
