Page 89 - Binder1

Durante e charla di Koningin Wilhelmina Fonds Aruba, dr Edgar Caceres kende ta un gastriontologo,
tambe tabata un di e oradornan. El a splica kikota algun di e simptomanan cu un hende por haya si e tin
cancer di pancreas. Algun simptomanan ta dolor, dolor na boca di stoma y si e cancer ta den un estado
mas avansa tambe lo bin simptomanan fisico manera wowo geel, orina scur y un 'af' mas blanco cu
normal.
E dokter a sigi splica cu e cancer di pancreas ta plama via tres caminda. E prome ta local, pues banda di e
pancreas mes. Tambe e por crece bai den e sistema limfatico, esta den e lymfekliernan. E di tres forma di
disiminacion ta via sanger. Aki e consecuencianan por bai hopi leu, te na e higra of e pulmonnan.
Tin diferente opcion pa tratamento. E prome opcion ta cirugia y si esaki no ta posibel paso e cancer ta
avansa, ta pasa pa e opcion di cuido paleativo, esta kimoterapia of bestarling, dependiendo di e situacion.
Pero e opcion mihor lo ta cirugia. A puntra e dokter kiko hendenan lo por haci pa evita e tipo di cancer
aki. Biba saludabel y come saludabel sigur ta formanan cu por preveni pa haya cualkier tipo di cancer.
Sobretodo cancer di por ehempel stoma y tripa cu tin di haci cu e habitonan di comemento. Den caso di
cancer di pancreas mester wak e historia di cancer den e famia. Si tin e cancer aki den famia, lo ta bon pa
bai dokter y laga haci testnan pa asina determina y haci diagnosticonan prome cu e cancer bin.
Un di e preguntanan cu publico a haci cu a capta hopi atencion tabata e pregunta si comiendo BBQ tur
siman, esaki por tin efecto riba salud di un hende y si tin un diferencia entre BBQ riba grill of BBQ full
hasa. Riba e pregunta aki e dokter tabata tin un contesta hopi cla: "Kima ta Kima". Cu e contesta aki e
dokter a referi na e echo cu come cumindanan kima frecuentememnte no ta bon pa nos salud ya cu e
partinan kima por crea cancer den nos curpa. E dokter a bisa cu come saludabel ta hopi importante pa
nos salud y por yuda hopi den e parti di prevencion pero tambe recuperacion.
Si bo kier mas informacion riba e topico di cancer, bo por pasa libremente na e Centro di Informaciona
na Spinozastraat 9 of bai riba nos pagina di facebook Koningin Wilhelmina Fonds Aruba y e website
www.koninginwilhelminafonds.com.

Comentarionan (1)

Mustra/Kita comentarionan
No Bula Tiara
March 12, 2015
2 0 1 .2 2 9 .7 8 .5 6