Page 86 - Binder1

posicion'e na di 12 puesto entre e 90 landadornan, lagando pues un tremendo impresion atras.
Diadomigo a tuma lugar e competencia cu ta e rutina riba musica. Cu un presentacion tremendo di e
equipo di "Walnut Creek Aquanuts" ariba musica Irlandes, "Riverdance" a impresiona e jueznan y na
final di e presentacion, e puntuacion a wordo presenta: 82.500 punto! Mas cu sufficiente punto di loke
nan mester a alcanza pa por a clasifica pa e campeonato nacional! Fuera di esei nan a gana Medaillo di
Oro!! Cu un cara di alegria, Kyra a mustra con contento e tabata ta. E la logra su meta. Bista awor ta
cambia pa e Campeonato Nacional Junior di Merca, cu ta tuma lugar na Morago, California di 1 pa 5
April. Eynan Kyra ta competi cu su club Walnut Creek Aquanuts den e evento di equipo y tambe den e
evento di Combo. Despues di e competencia aki Kyra lo bai sigi prepara pa participa hunto cu su Duet
Partner di Aruba, esta Anouk Eman pa bai participa na PANAMERICAN Games cu lo tuma lugar na luna
di July na Toronto, Canada. Despues di esei Kyra y Anouk lo bai Rusia na unda nan lo participa den
World Championships. Esaki ta bai ta un competencia hopi importante pa nan, pa asina por midi nan
mes cu e resto di mundo.

http://www.24ora.com/local-mainmenu-5/92828-kyra-hoevertsz-hunto-cu-su-equipo-ta-logra-gana-
oro-

Lorna C. Varlack: Informacion, educacion y conscientisacion
riba e tema di cuido di riñon

Thursday, 12 March 2015 16:16

Comparti

Malesa di riñon ta sigui aumenta na Aruba y pa cu e motibo aki Comision di Riñon di IMSAN a organisa
un siman di diferente actividad pa conscientisa pueblo tocante e malesa aki. Un di e actividadnan cu a
atrae hopi hende tawata e actividad cu a tuma lugar diaranson anochi na IMSAN unda charlanan a wordo
duna pa cu e causanan y e tratamento di malesa di riñon.
Charlanan interesante a wordo duna door e.o. dr. Eddy Falconi, sra. Marlene Illidge, sra. Clarita Bryson y
otronan. Malesanan cu por haci of cu ta haci daño na nos riñonnan ta lo siguiente: 1. Diabetes Mellitus, 2.
Presion halto, 3. Malesa congenital, 4. Abuso di alcohol/remedi, 5. Obesidad. Dr. falconi tambe a papia
tocante di e sintomanan di e malesa di riñon p.e. perdida di apetit, nausea y sacamento, cansancio,
temblamento di musculo, curpa ta hincha, color por cambia y holor di urina.Durante e anochi interesante
aki a mustra e diferente ekipo cu ta haci dialyse y a splica e diferente metodonan di dialyse. A papia
tambe tocante transplantacion di riñon unda e lista di espera ta hopi largo, e tempo di espera ta core den
mas of menos 5 aña y unda tambe tin e risico cu e curpa no ta acepta e organo nobo aki.
Tin diferente instancia cu ta traha hunto pa cu e conscientisacion di pueblo pa cu diferente malesa cu ta