Page 15 - Solo 24Jan'15

Diasabra Januari 24 2015 Pagina 15

Candela na dump ta causa molester un biaha mas

Ayera tabata un dia di no
solamente huelga, pero
tambe candela riba dump,
cu a causa molester den e
area. For di leu por a mira
e huma preto bay halto.
Antisocialnan desconoci
a dicidi di comete maldad,
despues cu trahadornan
di dump y Serlimar a dicidi
di pone trabao abao den
oranan di mainta. Durante e
demostracion, sindicatonan
a duna di conoce cu esaki no
ta trabao di miembroan, pero
ta trata di desconocidonan
cu ta subi tereno di dump y
ta cende tirenan na candela.
Trahadornan di dump hopi
biaha ta haya menaza ora
cu gara personanan cu ta
drenta nos pais ilegalmente
y ta preocupa. Unidad di
bombero a wordo solicita,
pero esakinan no a haci
nada, mirando cu tin cu
paga basta placa pa nan
por paga esaki. Segun tin
di comprende, ta Serlimar
tin cu domina e candela cu
su trucknan pa basha santo.
Riba e combinacion di foto
por tira un bista di e candela.

Empleadonan di Serlimar malcontento a huelga

Ayera den oranan

tempran di mainta,

empleadonan di

Serlimar a pone trabao

abao, mirando cu nan

no a wordo paga.

Sindicatonan SEPPA y

STA tabata presente na

dump di Parkietenbos,

caminda cu nan a

expresa di ta para tras di

nan miembronan. Segun

director di Serlimar,

sr. Fingal, cos no ta

mucho bon pa Serlimar

financieramente y tin

5 miyon riba caya cu

ta haci cu pagamento

di empleadonan no

a bay na ora. Sin

embargo, placa a pasa

y finalmente esnan cu

ta afilia na e banco

encarga cu pago, a ricibi

nan placa, mientras cu

esnan cu tin otro banco,

a haya nan pago por

medio di cheque. Riba e

combinacion di foto por

tira un bista di e huelga.