Page 20 - MIN VOS

ORANJESTAD(AAN): Como consumidor semper abo mester keda critico, pasobra e

producto eynan cu bo ta bay cumpra, ora cu bo ta den e supermercado, wak e producto
bon, wak e fecha di vencimento, wak ki dia e fecha di vencimento ta poni riba dje, wak
con e producto ta wordo bendi na bo. Por ehempel ta di bleki, si e bleki ta bon, si e no

ta frustia, si e no tin un deuk. Tur eseynan, abo como consumidor, bo por haci eseynan.

Como consumidor, abo ta dicidi unda bo ta cumpra y kico bo ta cumpra. Esnan
cu ta bendebo, nan tin nan rol, nan responsabilidad di ta bendebo un bon

producto, pero abo, como consumidor tambe tin bo rol. Pasobra abo ta esun cu
ta bay consumi e cuminda, dus bo tin tur bo derecho pa bo sinta wak bo

producto prome cu bo cumpr’e. Wak si e ta di un bon calidad. Sea critico como
consumidor y al fin y al cabo, consumidornan ta keda e wowo di parti di e

departamento di salud publico. Nan no por tey tur caminda, pero ora cu