Page 24 - MIN VOS

Eugenio “Tan” Helder a continua riba veld di Dragon Hitters na Baracadera. Diaranson anochi e dos
rivalnan grandi Royal Power Tat Fat Home Depot a enfrenta Pizza Hut Monsters den nan double header.

Den e promer wega Royal Power ta pika ariba pero mei mei di e wega Pizza Hut Monsters no tab aha
cabes probechando di Jair Thompson cu no por a bin kla cu su control pa empata e wega 8-8. Kelvin
Silvania ta drenta di relevo y ta bay cu e victoria riba su nomber. Despues Royal Power ta rally pa
finalmente caba e wega pa knock out 18-8. Royal Power Tat Fat 18 careda, 15 hit, 0 error. Pizza Hut
Monsters 8 careda, 3 hit, 3 error. Arjen Mathilda ta bay cas cu e derota. Mihor bateadornan pa Royal
Power ta Jomark Flanegin, Luis Pelayo, Guyon Cannister tur di 1-1, Joshua Ramada di 2-2, Gregory
Krosendijk, Franco Wouters y Kelvin Silvania tur di 3-2. Eldrick Dijkhoff di 4-2.

Pa Pizza Hut Monsters a destaca den causa perdi Jerrold Martijn y Derward Ruiz di 2-1, Angelo Laurant
di 3-1. Den e di dos wega di anochi Royal Power Tat Fat Home Depot ta derota Pizza Hut Monsters un
biaha mas. Jomark Flanegin ta mustra solido riba montículo y ta pone otro victoria riba su nomber. Ray
Bernabela por mira atrás riba un bon actuación pero ta bay cas cu e derota. Royal power 6 careda, 9 hit, 0
error. Pizza Hut Monsters 2 careda, 5 hit, 0 error. Mihor bateadornan pa Royal Power a resulta Luis
pelayo 3-3, Kelvin Silvania 2-2, Jomark Flanegin 2-1 cual bataso porcierto tabata un cuadrangular. Pa
Pizza Hut Monsters Ray Bernabela y Arjen Mathilda ambos ta bay di 3-2. Cu e dos victorianan aki Royal
Power ta pasa pa comanda e tabla di posición den softball AA. Weganan lo continua durante fin di siman