Page 68 - MIN VOS

18 AWEMainta Diahuebs, 13 Juli 2017

Segun resultadonan presenta pa Wereld Kanker Onderzoeks Fonds

Alcohol ta aumenta e posibilidad pa haya cancer di pecho

HASTA un glas di alcohol pa dia por aumenta
e posibilidad pa haya cancer di pecho. Esaki a
bin dilanti den e ultimo resultadonan presenta
pa Wereld Kanker Onderzoeks Fonds (WKOF).
Apesar cu ningun estilo di bida por garantisa cu
bo lo no haya cancer, investigacionnan ta mustra
cu 2 di cada 5 caso di cancer di pecho por a wordo
preveni dor di no bebe alcohol, haci mas movecion
y mantene un peso saludabel.

Resultadonan di un raport recien cu WKOF na Hu-
landa a publica ta mustra cu tin prueba cientifico
fuerte ta indica cu hasta consumo di un (1) glas di
alcohol pa dia, manera un glas di biña of cerbez, ta
aumenta e risico riba cancer di pecho, tanto prome
como despues di menopausa.

E raport ta mustra cu movecion fisico tambe por
minimalisa e posibilidad pa haya cancer di pecho.
Den casonan di cancer di pecho prome cu meno-
pausa drenta, ta trata aki di movecion fisico intenso
manera landamento y coremento.

E investigacion a confirma tambe cu sobrepeso y
obesitas ta aumenta e posibilidad pa haya cancer
di pecho despues di menopausa, cual ta e cancer di
pecho cu mas frecuencia cerca muhenan. Sobrepeso
y obesitas ta aumenta e posibilidad riba 10 otro
tipo di cancer tambe manera e. o. cancer di tripa,
cancer di pancreas y cancer di higra.

Pa minimalisa e posibilidad pa haya cancer WKOF
ta conseha pa no bebe hopi alcohol of no bebe alco-
hol mes y tambe ta conseha pa haci hopi movecion
fisico y come mas saludabel.

Cancer di pecho t’e forma di cancer cu mas ta wordo
diagnostica cerca muhenan na Hulanda. Segun e
Nederlandse Kankerregistratie, na aña 2016 so ya
como 14 mil muhe a wordo diagnostica cu cancer
di pecho y tur aña como 3 mil muhe ta fayece a
causa di e cancer aki.
Aki na Aruba cancer di pecho ta aparece tambe den
e top 3 di cancer cerca hende muhe.

E resultadonan den e raport di WKOF ta basa riba
119 estudio di diferente pais rond mundo.
A studia como 12 miyon muhe pa yega n’e resul-
tadonan den e raport. Di e 12 miyon muhenan aki
260 mil a wordo diagnostica cu cancer di pecho.
E analisis cientifico aki ta esun di mas grandi haci
dor di WKOF desde 2010.

Pa mas informacion riba cancer por tuma contacto
cu Koningin Wilhelmina Fonds su Centro di infor-
macion na Spinozastraat 9 of bel nos na 5820412.