Page 71 - MIN VOS

AWEMainta Diahuebs, 13 Juli 2017 25

The Every-Ones, Amika Every y Kaika Every ta yuda un hoben ciclista

RECIENTEMENTE, e gimnastanan The Every-Ones, Amika
Every y Kaika Every a tene un rifa pa recauda fondo. Cu e ayudo
di amistades a acerca varios compania p’asina nan a duna nan
sosten y apoyo na e dos gimnastanan.
Na momento cu e gimnastanan Every a mira e video di e hoben
ciclista cu a perde tur pertenencia dor di un candela, mes ora e
gimnastanan a sinti cu nan mester duna e hoben ciclista un man
p’e por sigui eherce su deporte.
Como cu Amika y Kaika sa con importante deporte ta p’e desa-
royo di un hoben nan a scoge pa entrega un parti di e fondonan
recauda, n’e hoben ciclista p’asina yud’e p’e tambe por sigui cu
su deporte.

Amika Every, 11 aña y Kaika Every, 9 aña, ta dos hoben gimnasta
di e disciplina di gimnasia artistica. Ambos ta forma parti di e
competitivo di Club Gimnastico Arubano Avanse.
Pa por ta riba un bon nivel competitivo, e hobennan aki ta sacrifica
hopi tempo pa nan entremamento. Regularmente nan tin cu biaha
pa exterior p’asina nan por midi nan desaroyo na competencianan
internacional unda nan ta competi contra otro gimnastanan di
diferente pais. Den luna di mei y juni, Amika y Kaika a participa
na tres competencia n’e paisnan Colombia, Panama y por ultimo
Costa Rica. Ambos gimnasta a sa di demostra nan abilidadnan
competitivo y a logra varios medaya pa Aruba.

Dentro di algun dia, e gimnastanan Every ta biahando pa Co-
lombia pa atende un campo di entrenamento. Consecutivamente,
Amika Every, kende a wordo selecta pa forma parti di e delegacion,
ta bai representa pais Aruba den e Campeonato Sudamericano di
Nivel USAG di Gimnasia Artística na Bogota.

Por ultimo, Amika Every y Kaika Every ta gradici tur e comer-
ciantenan, famia y amistades cu ta sostene nan den nan deporte
y ta jama un danki na tur hende p’asina nan por a yuda un otro
hoben pa e tambe por sigui haci su deporte di ciclismo.