Page 25 - KPA

Autonan cu stuur na man drechi por ta unsafe pa trafico
segun DTI

Monday, 03 July 2017 18:09
1

Comparti

Pa loke ta autonan cu stuur na man drechi, ta cu e autonan ey a wordo traha pa core na man robes di
caminda. Tur e sistema di e auto, mescos cu nos tin e autonan cu normal ta cu e stuurwiel na man robes.
Ora bo bay rijles, bo ta siña pa wak con bo ta keda mey mey di caminda, distingui tur distancia.

A base di esey cu stuurwiel na man drechi, tur eseynan ta cambia, nan ta bolter. E ta suppose di core man
robes di caminda, pero e ta core na man drechi. E luznan tambe, cu normal sea nan ta deal cu straight
dilanti of un tiki na banda, awo si e ta un tiki na banda, ta refleha na banda contrario. Ta factornan cu no
tecnicamente ta haci e autonan aki unsafe, pero pa forma parti di trafico, por ta unsafe. DTI ta keurnan,
pasobra no tin den nan ley ta distingui cua banda e stuur mester ta. No tin un reglamento pa esey. Ta
keurnan a base di su brakenan ta bon, si tur e detayenan cu nan ta mira ta bon, nan ta wordo bon gekeur.

Ta keda na e minister concerni, of douane pa wak con nan ta yega na cierto via of limita cierto cantidad di
importacion di e autonan aki. Conseho y adaptacion DTI a yega di duna conseho den pasado riba tipo di
autonan asina, nobo nobo cu nan a cuminsa drenta. Por ehempel di e luz cu por ta un factor cu den
oranan di anochi por blind e trafico contrario. Practicamente mas y mas di e autonan aki ta bin. Hopi
biaha tambe ta e tipo di busnan cu ta bin, di e porta cu un pasahero ta baha mey mey di caminda. Ta crea
situacionnan cu no ta safe pa e tipo di autonan aki, segun Dominico Werleman. Hopi biaha ta duna
conseho a base di peticion di minister of Gobierno of ta hacie riba bo mes. DTI ta keda purba y tanten cu
nan por duna conseho y si ta haya cu ta necesario pa duna un conseho nan ta duna esaki.