Page 28 - KPA

DTI ta haciendo lo maximo pa por keur mas tanto auto
posibel

Monday, 03 July 2017 18:08
1

Comparti

Tin un cantidad grandi di auto riba careteranan di Aruba. E A nummer so a pasa 70 mil auto. E pregunta
ta, con DTI por controla pa tur auto ta gekeur na Aruba. Director di DTI, Dominico Werleman, a splica cu
e autonan nobo cu tin menos cu 3 aña, no ta obliga pa bin keur. Esey ta kita un cierto cantidad.

Pero mirando e otro tipo di auto, cu ta mas bieu cu 3 aña si mester tey. DTI tabata tin problema cu
personal den pasado, sinembargo a haya 3 empleado extra den e seccion di keur auto. Esey a pone e
departamento cu por hisa e cantidad di keur pa dia, cu ta aumenta e cantidad di keur naturalmente
durante aña. Tambe ta keur auto riba diasabra. Esey tambe ta yuda e cantidad di auto. Pero ta asina cu
DTI mes no tin autoridad riba caya por ehempel, pa obliga e doñonan di auto, cu un auto cu no ta gekeur
trece pa keur. Locual cu wordo presenta na DTI pa pidi pa afspraak ta tuma pa keur. Di e forma ey ta
purba mas tanto posibel pa brinda e servicio di keur na tur e doñonan di auto cu ta desea pa nan auto
wordo gekeur. Luga pa keur Tin diferente tipo di auto. Autonan di famia, autonan di huur, autonan di
taxi, tur tipo di auto. Ta purba mas tanto posibel pa acomoda tur. Por ehempel autonan di huur, ta acerca
tur e companianan di huur auto, pa nan duna un lista di tur e autonan cu nan tin, principalmente e
vehiculonan cu no a yega di keur mes. Tin hopi di nan cu ta autonan cu kisas cu ta auto nobo cu nan a
tuma, pero cu no a yega na keuring, e ora pa pone prioridad na e autonan ey, mirando cu e autonan ey no
tin un seccion di 3 aña. Un auto asina, manera e drenta den servicio, mester wordo gekeur. E ora nan ta
pidi un lista di tur e autonan y a base di un sistema di cita, ta duna cierto cantidad di auto sea pa siman of
pa dia, ta purba di acomoda nan pa tur e autonan wordo gekeur.

Naturalmente autonan di famia tambe. Tin dos ekipo pa keur auto. E cantidad di personal a aumenta,
manera ya indica, ta purba di haci mas tanto auto posibel. Experiencia di varios aña ta yega na 20 pa 25
mil auto pa aña. Tin auto ta bin tur aña y tin cada dos aña y a base di esey ta purba con ta hink'e den otro.
Awor aki ta trahando riba un edificio nobo. Lo bay tin un ekipo extra pa keur auto. Naturalmente e
cantidad di afspraak tambe lo bay subi e ora ey. Autonan cu no ta gekeur Dominico Werleman, director
di DTI, a splica cu tin un lista di e cantidad di autonan cu no ta gekeur. Nan ta haya informacion for di
Departamento di Impuesto cu ta indica e A nummernan cuanto tin, di cada categoria di auto, cuanto auto
tin riba caminda. A base di esey ta compar'e di e mesun categoria, cuanto tin gekeur, e ora ta saca afo
cuanto ta riba caya sin keur. Tin hopi auto cu no ta gekeur riba caya. Importante pa ta gekeur Ta hopi
importante pa un auto ta gekeur. E ta un siguridad riba caminda. Bo no sa kico por pasa por ehempel si
un auto mester para di biaha pa cualkier motibo. Si e brake no ta bon, e por kita di banda y e auto por
bolter of por boks contra un otro auto. Tin diferente situacion cu por presenta si e auto no ta den bon
condicion. Cosnan por cambia Werleman a splica cu e leynan di DTI ta basta nobo comprara cu e otro
leynan cu ta traha cun'e. Un factor cu nan ta haya pa deal cun'e ta color di luz. Antes ley ta bisa cu luz
dilanti mester ta blanco. Awor aki ta mira hopi auto cu ta core cu luznan manera blauw cla. Ta depende
tipo di bombionan cu nan ta uza of e reflector cu nan tin den dje. Tin cu tene cuenta cu tin biaha cu for di
fabrica nan ta haci nan estudio, haci nan testnan cu e ta safe riba caminda. Ta dificil como empresa of