Page 35 - AHATA

potencial por tin ora di kier conoce mas di nos isla of planifica su proximo vacacion. Ademas di contenido
actualisa, tambe ta conta cu facilidad y tecnologia avansa pa brinda un experiencia agradabel y extraordinario.

A.T.A. semper ta busca manera pa sigui bay dilanti; cu apetit pa ta e miho y destaca como destinacion den e

region Caribense. Asina a logra agiliza e manera con ta maneha contenido internamente pa reduci e ‘time to
market’ y ta contento cu e resultado. Atrabes di video y imagennan cautivante, e biahero ta conoce mas cu djis
e beach y restaurantnan riba nos isla; pero tambe por tende di propio Arubianonan y otro turistanan cu tin hopi

aña caba bishitando Aruba.

Aruba.com ta accesibel den ocho diferente idioma, cual esun mas reciente añadi ta Ingles Britanico pa
mercadea mas efectivamente den e region di Europa. Usuarionan tambe por scoge di wak e contenido na Ingles
Americano, Spaño, Italiano, Portugues, Hulandes, Sueco y Aleman. “Como lider den creatividad y innovacion

digital, Aruba su meta semper ta pa resalta e experiencia di nos huespednan prome, durante y despues di nan
estadia riba e isla,” asina CEO di ATA, Ronella Tjin Asjoe-Croes a duna di conoce. “Cu e lansamento tan
spera di e Aruba.com nobo, awo huespednan por entre otro soña, planea y personalisa nan vakantie perfecto

hopi prome cu nan avion ta baha na airport.”

Investigacionnan ta mustra cu e consumidor ta bishita diferente website prome cu dicidi cua ta bira su destino
di vacacion. P’esey ta importante pa Aruba.com laga un impresion positivo den e memoria di e consumidor
mustrand’e tur loke Aruba tin pa ofrece. Di e manera aki tambe ta impulsa loke e ta laga atras den e economia

local. Desde cu a lansa e website nobo, ya caba a registra un reaccion positivo inmenso cu 280% aumento den
e tempo cu e bishitante ta pasa explorando Aruba.com, y 33% mas reservacion y como tambe 85% mas trafico
dirigi pa otro compania local.

Esaki ta demostra e impacto positivo cu e website renoba aki tin riba e bishitantenan. ATA ta invita e
comunidad di Aruba pa bishita Aruba.com.