Page 40 - AHATA

ORANJESTAD (AAN): San Nicolas Business
Association tin hopi aña ta lucha pa San Nicolas keda draai. No solamente cu tin
comerciantenan ta biba eynan, pero economia tin cu draai tambe. Andres Hernandez,

presidente oficial awo di San Nicolas business Association, a splica cu ta hopi bon cu tin
atencion di nobo pa San Nicolas. Hernandez mes tin 15 aña mas of menos den SNBA y
tin cu bisa cu San Nicolas no ta give up.

Tin solamente mas of menos 20% di tienda habri y San Nicolas no ta give up. Awor aki
Hernandez ta contento y gradicido cu nan a haya un board nobo, cual ta hopi activo. A
bin di acuerdo pa traha e vision, unda cu ta buta cu 2018/2020, cual ta nifica awo,
mester tin accion. Tin e plannan pa e tereno, banda di e muraya, ta di San Nicolas

prome. Door di esey, den vision di SNBA ta bay ta compaña pa un plan pa e tereno ey,
pasobra nan ta planonan cu ta bay wordo traha, di loke SNBA ta pensa cu ta nan vision,
cu ta pensa cu loke e por cumbini San Nicolas.

Tin e ferry, Ferry tin tres pa cuater aña cla caba. Sinembargo tabata tin e problema di
unda e ta sali y kico pa haci.

Esaki ta un prome sketch di e vision aki, cual ainda tin cu ta desaroya. Den e cuadro aki

ta bay traha pa final di Juni, lo tin un mega town hall meeting, unda cu ta bay invita tur
cu tin di haber cu San Nicolas, incluyendo contratista, gobierno, Citgo mes. E plan, cual
Hernandez ta yam’e vision, ta apart di e refineria. Ta prome biaha cu ta mirando con ta
bay sali of mehora e situacion cu tin, sin conta cu e influencia di e refineria. Si e

refineria wordo logra, door cu tur ta di acuerdo y tur ta conciente cu e ta un 50/50, tin
un otro solucion na banda di ta contando unicamente cu gobierno of cu refineria, segun
Hernandez.