Page 29 - FDLP
P. 29
E dianan 6 pa 15 juli nos isla di Aruba lo ta pais anfitrion di un campeonatoo grandi di
baseball Little League ora cu e campeonato Latino Americano di Junior League 2018
tuma lugar riba nos terenonan di baseball.
Na 2013 ta e ultimo aña cu Aruba a organisa un campeonato Latino Americano di
baseball casualmente dentambe den e categoria di Junior league. Mester bisa cu tanto
Aruba 1 forma pa e campeonnan 2018 esta Liga Central Braulio Wester y Aruba 2 forma
pa un combinacion North/South League lo representa Aruba den e campeonato Latino
Americano mirando cu nos ta host e campeonato. Remarcabel ta cu 7 pais a confirma nan
participacion pa e torneo aki. Paisnan cu lo tey presente lo ta Curacao, Puerto Rico,
Venezuela, El Salvador, Panama, Rep. Dominicana y Colombia. Hunto cu Aruba 1 y
Aruba 2 lo ta nuebe seleccion den total. Algun di e weganan cu lo tuma lugar den Joe
Laveist Ballpark, mientras e sobra lo ta den Nadi Croes y Crismo Angela Ballpark na Sta
Cruz. Mayoria wega di Aruba lo wordo hunga den oranan di anochi.
E dos seleccionnan di Aruba ta bon prepara pa e campeonato Latino Americano di
baseball. Tur dia nos hoben peloteronan ta entrena pa asina duna e miho prestacion
posibel. Mas cu claro ta ser spera e apoyo masal di e fanaticada di Aruba cu lo bin y duna
nos muchanan e sosten nesecario.
Na aña 2012, Aruba a gana e derecho di representa e continente Latino America na
World Series Junior League na Taylor, Michingan despues di a titula campeon. Na
Taylor, Aruba a haci un tremendo papel pero a keda net cortico. Ban spera nos muchanan
por haci un bon papel den e campeonato teni na cas.
Stichting Sportsubsidie Aruba a yuda subsidia e campeonato Latino Americano di
baseball teni na Aruba mes.
