Page 32 - FDLP
P. 32
Nos atletanan hubenil femenino y masculino di beach volleyball tin varios luna ta
preparando nan den forma intensivo pa e weganan clasificatorio 2018 CAZOVA Youth
Olympic Games.
E weganan clasificatorio lo tuma lugar na Aruba mes unda varios pais den nos region lo
bini cu nan miho dos atletanan y bataya pa un puesto di clasificacion. Aruba Volleyball
Association ta masha contento di por host e competencia di beach vollleyball y pa e
motibo aki tambe a percura pa nos dos seleccion nan ta e miho forma posibel prepara.
Den e cuadro aki Aruba Volleyball Association a dicidi pa manda e cuater atletanan
hubenil Mali Rafini, Kayla Arends, Brian Howell y Raibiently Mercalina pa un campo di
entrenamento na Corsow como parti di nan preparacion pa dicho torneo na Aruba. Na
Corsow, e cuater atletanan lo ta bou guia di entrenador internacional renombra Augusto
Sabbatini di Brazil cu ta afilia na NORCECA. Ta bon pa bisa tambe aserca cu na banda
cu e atletanan lo atende e campo di entrenamento aki nan lo hunga varios weganan di
fogeo contra ekiponan pa asina midi nan nivel di competencia. E atletanan Mali y Kayla
lo hunga e clasificacion femenino mientras Brian y Raibiently lo hunga e clasificacion
masculino. Hunto cu e atletanan lo biaha tambe coachnan Irald Phelipa y Elmerlindo
Robles de Medina.
E cuater atletanan di beach volleyball Kayla Arends y Mali Rafini(femenino) y Brian
Howell y Raibiently Mercalina(masculine) lo tin un compromiso grandi e dianan 7 y 8 di
juli proximo unda nan lo competi den e 2018 CAZOVA Youth Olympics Games
Qualifying Round cu lo tuma lugar aki na Aruba. Manera nos a bia anteriormente e cuater
atletanan aki tin varios luna ta entrena y prepara pa e competencia internacional di beach
volleyball aki cu lo conta cu participacion di US Virgin Island, Haiti, Jamaica, Trinidad
and Tobago y Surinam.
