Page 32 - Min SOC-PAUL CROES
P. 32
28 AWEMainta Diabierna, 27 November 2015
Campeonato
di Volleyball
Hubenil 2015
DURANTE e fin di simannan cu a pasa Comicion
Hubenil di AVA a organisa p’e hobennan entre 13 y 19
aña un tremendo Campeonato di Volleyball Hubenil
2015.
Teamnan cu a participa:
La Fama Spartans / VENUM / Gazelles /S.V. Volvox y
Colegio San Antonio.
E weganan a tuma lugar na Compleho Deportivo Yara na
Savaneta durante e fin di siman di 14 y 15 di november.
Y tambe na Centro Deportivo Betico Croes na Santa Cruz
durante e fin di siman di 20 y 22 di november.
Weganan final a tuma lugar diadomingo 22 di november
na Centro Deportivo Betico Croes.
Den Categoria Junior Boys:
La Fama Spartans a resulta Campeon y VENUM Sub-
Campeon.
E dos teamnan aki a bataya contra otro di cuminsamento
di e wega te na final e score a termina 2-1 (23-25)(25-
22) y (15-13). Diferencia di dos punto.
Na di 3 lugar Junior Boys a keda S.V. Volvox cu a hunga
un tremendo wega contra La Fama Spartans, VENUM y
Colegio San Antonio.
Volvox a bataya duro contra e tres teamnan.
Den Categoria Junior Girls:
Gazelles a resulta Campeon y VENUM Sub-Campeon.
E wega aki tambe tabata intenso e score a termina 2-0
(25-22) y (25-18).
E ambiente di e publico cu a bin wak e weganan tanto na
Savaneta y Santa Cruz tabata tremento hopi animacion/
gritamento.
Nos di Comicion Hubenil di Volleyball ta avisa tur
Atletanan di tur e team nan cu a participa cu weganan
di toernooi ta cuminsa e prome siman di maart 2016.
Comicion ta pidi teamnan cu sa di otro teamnan of
scolnan tambe cu ta train Volleyball pa invitanan pa
participa den nos sigiente toernooi nan.
Un danki ta bai na tur e teamnan cu a participa y pabien
cu nan titulo di Campeon / Sub Campeon y tercer lugar
y tambe n’e mayornan cu a copera p’e weganan dor di
trece e hobennan wega y sinta den tribune apoya nan
yuinan y teamnan.
