Page 35 - Min SOC-PAUL CROES

AWEMainta Diabierna 27 November 2015 31

Aruba Judo
Bond cu un
exitoso Judo
Challenge 3

DESPUES cu den luna di maart a organisa e prome

Subway Challenge den e deporte di Judo cual tabata
un exito rotundo, e federacion di Judo a dicidi di ripiti
e competencia aki september ultimo.
Mirando e interes, aceptacion y acogida grandi cu esaki
tabata tin, no por a keda sin organisa e di tres edicion
di e Subway Judo Challenge prome cu e aña termina.
Diasabra ultimo, e cancha di Aruba Juniors na Playa a
host e Subway Judo Challenge 3, y a conta e biaha aki
cu participacion internacional.
For di nos hermana isla di Boneiro un grupo di atleta a
bin competi contra di nos judokanan local.

Esnan presente por a admira mas di 75 combate e dia
aki den e categorianan infantil 1 – 2 – 3, cadet, junior
y senior.
Na Aruba tin 5 club di Judo, esakinan den e districto
di Tanki Leendert, Noord, Santa Cruz, Savaneta y San
Nicolas, di cual Ryo San Nicolas y Judo Center Tanki
Leendert ta esnan hopi activo.
Mester bisa cu e aña aki e deporte di Judo a conoce varios
actividad pa loke ta competencianan local pero tambe
representacion den exterior.
A organisa varios competencia na Aruba mes mientras
nos atletanan hoben a bishita competencianan renombra
den exterior y a atende camponan di entrenamento den
nos region.
Un danki sigur na Lotto, e Loteria di Aruba pa medio di
Comision di Subsidio cu a yuda subsidia e competencia
di Subway Judo Challenge 3.