Page 24 - MIN ON 14 DEC 2015
P. 24
AWEMainta Dialuna, 14 December 2015 21
Universidad
di Aruba ta
colabora cu
Trampolin
pa Trabao
RECIENTEMENTE Universidad di Aruba (UA) a
otorga un caha di papel cu e logo bieu na Trampolin pa
Trabao (TpT) pa nan por uza pa nan clientenan haci
obra di man.
E iniciativa aki ta cuadra cu e
maneho di UA pa reduci,
recicla y re-usa material y aporta
na preservacion di nos
medio ambiente.
Den transcurso di añanan a bin ta tuma varios decision
pa contribui na un Aruba mas sostenibel.
Ta casi 5 aña caba cu ta duna studiantenan cu inscribi
un bottle pa yena cu awa (waterbottle) y poco poco ta
cambiando airconan pa sistema di inverters.
E aña academico cu a pasa a bay un tiki mas leu y a duna
tur docente y empleado un mug pa te of kofi.
Tambe a baha e uzo di cups di plastic dor cu ta uza cups
di papel den un intento pa ta mas sostenibel posibel.
TpT a keda masha contento cu e gesto aki. Sr. Rumnit
ta corda pueblo di Aruba y companianan local cu nan ta
continuamente en busca di proyectonan of trabao simpel
pa siña y train e clientenan pa traha mas independiente
cu ta posibel.
E meta final ta pa yuda e clientenan haya experiencia di
trabao y un posibel trabao fiho na nan nivel.
Riba e portret por mira ora cu e empleado di UA a duna e caha
di papel n’e Job Coach di TpT, sr. Lionel Rumnit y un cliente.
