Page 29 - MIN ON 14 DEC 2015

AWEMainta Dialuna, 14 December 2015 35

Parlamentario
Arends-Reyes
y De Sousa-
Croes a hasi
un bishita
na Colegio
Arubano

RECIENTEMENTE, Sra. Arends-Reyes y Sra. de

Sousa-Croes a haci un bishita na Colegio Arubano. Esaki
den cuadro cu nan saliendo di e ramo di Enseñansa
Secundario a bishita Colegio Arubano caba of otro
scolnan pa puntra con ta bayendo.
Den e caso aki e no tabata un excepcion, Colegio
Arubano tin un tarea y responsabilidad hopi grandi pa
cu nos enseñansa pa motibo cu nan tin e populacion mas
grandi di alumnonan cu ta rib’e nivel di HAVO/VWO.

Nan mester ta ocupa nan mes cu proefwerken y SE’s
(schriftelijke examens) y wak con por prepara e
alumnonan mas mihor posibel.
Durante e bishita a puntra tambe mas informacion
tocante relatonan cu ta sali den media tocante accionnan
di protesta. Naturalmente cu tanto maestro como
alumno tin derecho di protesta, pero na final di dia e no
por bira un cos cu ta pasa tur siman of tur luna.
Mester tin dialogo y bon comprendimento cu na final
di dia mester por yega na areglonan. Colegio Arubano
tin retonan grandi su dilanti pa prepara nos alumnonan
pa un enseñansa avansa na Aruba of den exterior y
mester tuma esaki cu tur su seriedad. E scol tin plan pa
introduci Ipads den Ciclo Basico como proyecto piloto
cu lo mester reduci e costo di huur buki di ‘boekenfonds’
sistematicamente.
Esaki lo ta un avanse grandi pa mantene e costo di
educacion secundario acesible p’e famianan na Aruba.
Tambe e cambionan di e ‘exameneisen’ cu lo bira mas
estricto ta un preocupacion grandi di e scol.

Colegio Arubano desde basta aña a bin ta prepara su
alumnonan p’e cambio aki dor di introduci rekenen y extra
ora pa Hulandes, pero asina mes e ta keda un reto grandi
pa nos alumnonan logra ‘slaag’ den percentahenan halto.
Y con pa prepara e studiantenan bon prome nan bai
studia den exterior. Lo mester sigui dialoga hunto cu
Gobierno y otro stakeholders pa wak con ta bai anda
cu e cambionan aki den exigencia. Di parti Sra. Arends-
Reyes, varios pregunta na Minister a ser haci tocante
e topico aki y por bisa cu esaki sigur tin atencion di
fraccion di AVP y lo sigui e desaroyonan di cerca.