Page 29 - MIN JUS

12 AWEMainta Diabierna, 18 Augustus 2017

Partido ReD ta desea tur maestro, mayornan y alumno exito

“Nos no por combati corupcion den

futuro ora ta reina impunidad”

Segun Rudy Lampe

DIADOMINGO awor 20 di augustus 2017 partido ReD ta organiza otro consulta
medico gratuito na su sede di San Nicolas, na Bernhardstraat 71, pasando Jose Laveist
Sport Park, un poco despues di Augustinus College.
Dr. Nuris Lampe ta dermatologo y lo duna conseho gratuito al respecto. Ciro Marquez
ta specialista den remedi di tera y tambe lo duna conseho di e uso di remedi di tera
pa tratamento di sernan humano sino tambe con por esaki pa cuido di nos cachonan
cu t’e mascota preferi na Aruba.
E evento aki lo ta henter dia, for di 8or di mainta te cu 5or di atardi y lo tin cuminda
saludabel na un prijs super barata.

Ayera dia 17 di augustus scol a cuminza, exito na tur maestro, mayor y alumnonan.
Dia 17 di augustus tambe t’e dia di debate cu ta pone riba mesa e pregunta: Un pais
mester recorda su pasado? Lo no ta mihor pa bisa tanto AVP y MEP a comete mal
gobernacion, laga nos pone un linea na 2017, tur loke a pasa prome cu 2017 nos ta
lubida, y solamente lo persegui loke ta bin despues di 2017?
No worry cu pasado, ban wak pa futuro, asina ta wordo bisa. Pasado bo no por cambia
mas, pakico kibra cabez cu pasado, asina bo ta tende. Y esey ta berdad.

Solamente cu partido ReD kier men futuro ora ta papia di pasado. Gabinete Eman
2 a instala e Afpakteam y esey kier men cu persegui e ex mandatarionan ta kita nan
placa y propiedad den futuro pa duna pueblo e placa aki bek. P.e. e hedging fund, ta
trata di 300 miyon florin, nos lo bisa “borron y cuenta nueva” of nos lo bay tras di e
300 miyon aki den futuro y pone bek den caha di pueblo?
Partido ReD ta di opinion cu mester haci tur lo posibel p’e placa aki wordo rescata y
wordo inverti den por ehempel enseñanza.

“Nos no por combati corupcion den futuro ora ta reina impunidad. Den hopi pais na
America Latina juist nos ta mira con e bouwfraude di Odebrecht a hiba na persecu-
cion di mandatarionan y ex mandatarionan y a manda un señal cu porfin ta pak aan
e asunto di soborno, cu t’e base di tur corupcion. Aruba lo manda un señal robez na
mundo dor di bisa cu no worry cu pasado, laga e mandatarionan di Gabinete Mike
Eman sali liber, laga nan goza di e placa horta di pueblo di Aruba, no worry nos ta
one happy island. E ora ey si nos ta perpetua husiticia di clase. Nos meta no ta di kita
e placa cu a wordo horta di pueblo y pone bek den caha di pueblo.
Den e caso aki e Huez supremo t’e pueblo votador, e pueblo lo castiga na 2017 esnan
cu a horta su placa, of lo premia cu e mayoria absoluto esnan sentencia den e bouw-
fraude di Fondo Desaroyo Nobo San Nicolas manera a sosode na 2009.
Lo ripiti e historia di 2009 of lo bin un cambio na 2017. Na final nos tin cu respeta
e decision di pueblo, si pueblo no vota pa ReD cu t’e unico cu a pone riba mesa pa
manda e Afpakteam p’e ex-mandatarionan, e ora historia lo ripiti.

Na 2009 ReD a denuncia e bouwfraude di AVP y pueblo a castiga ReD ora di eleccion
y a premia AVP dor duna e partido aki e mayoria absoluto. Pesey pasado tambe ta
importante, pa un pueblo no keda ripiti e mesun foutnan di pasado.
Otro tema cu a pone riba mesa ta di union, ora cu lider di RAIZ a declara cu nos mester
busca union y no causa division den pueblo. Pero ora ReD a propone na RAIZ pa uni
forza, pa forma un lista combina, pa no bay dividi den eleccion 2017, t’e mesun lider
di RAIZ a nenga un lista combina cu ReD. Papia ta un cos, haci ta otro.
Pesey e votador mester duna su confianza n’esnan cu ta walk the talk, cu ta haci loke
nan ta bisa. Y pesey mi a bisa, no wak mi palabranan sino mi obranan”, segun Rudy
Lampe di partido ReD.
Rudy Lampe, candidato no.2 riba lista di ReD