Page 61 - MIN.ON APRIL 22

“Pa nos soluciona e problema aki, mester sigura cu tur scol tin e cantidad di lokaal cu nan tin
mester, cu nan tin un gymzaal of speelzaal apto, cu tin mueblenan pa e muchanan, cu tur klas tin
acceso na airco”, segun Minister Michelle Hooyboer-Winklaar. Sin laga afo cu tur scol tin e
tecnologia avansa pa por duna les. Nos mester ta sincero cu nos hubentud di awe ta depende di
tecnologia pa casi tur cos. E no ta algo cu nos por bay bringa contra dje, sino mester haci lo
maximo pa haci miho uzo cu por di dje.

“Banda di tur esakinan e aspecto principal ta siguridad na scol. Tanto riba tereno di scol como
rond di e scol”, Minister Michelle Hooyboer-Winklaar a relata. Ta referi aki na un proyecto basta
grandi. Ta evaluando opcionnan financiero pa por carga un proyecto asina. Lo evalua
conceptonan manera loke tin pa e expansion di Dr. Horacio E. Oduber Hospitaal of otro
proyectonan cu tin mas opcion financiero.

“Mi no ta bay sinta keto te ora mi logra yega na un acuerdo pa un proyecto cu ta garantisa cu
dentro di un periodo di aki 5-7 aña tur scol na Aruba tin un edificio apto pa por duna les. Unda
tur alumno ta sinti nan mes bon siñando pa nan futuro. Despues di e sondeo mas cu claro lo
envolvi Conseho di Minister y Parlamento pa hunto determina e miho pasonan pa renobacion di
mayoria di nos scolnan.

http://masnoticia.com/sondeando-opcionnan-financiero-pa-renoba-scolnan/