Page 16 - DESPA

Tur instancia di cuido ta bay ricibi un email

pa nan registra na Departamento di Salud

Publico

ORANJESTAD (AAN): Leslie Escobar hefe suplente di Seccion di Asuntonan Huridico y

Registracion di Cuido durante un conferencia di prensa a trece dilanti cu Departamento
di Salud Publico di Aruba hunto cu Ministerio di Salubridad Cuido di nos Grandinan y
Deporte durante basta aña ta trahando hunto pa mehora e calidad di cuido na
Aruba.Den cuadro di e mehoracion di cuido na Aruba y pa por garantiza esaki na Aruba,
e ley di calidad di cuido a wordo traha.Segun Escobar, tabata un proyecto hopi largo cu

a keda aproba fin di 2014.E ley a drenta na vigor oficialmente na Januari 2017.Segun
Escobar, e ley aki ta trece cune obligacionnan huridico nobo, cu a wordo crea pa
mehora e calidad di cuido na Aruba.Un di obligacionnan nobo ta e obligacion di tur e

instancianan di cuido na Aruba pa registra nan mes na Departamento di Salud
Publico.Pa e motibo aki Departamento di Salud Publico ta bay acerca tur e instancianan
di cuido den e dianan aki, pa nan por registra.E departamento lo manda un email na
cada instancia di cuido, caminda cu e instancia lo haya como attachment den e email
un carta oficial di Departamento di Salud Publico, cu e peticion pa e instancia di cuido

registra su mes dentro di un periodo di 2 siman.
Hunto cu e email e instancianan lo haya un formulario di inscripcion cu nan mester
yena y mande bek na Departamento di Salud Publico, hunto cu e otro documentonan cu

ta wordo pidi.

Escobar a sigui bisa cu su tin un instancia di cuido cu den e di dos siman di Augustus no
a ricibi ningun email for di Departamento di Salud Publico, nan mester acerca e
departamento.