Page 11 - DESPA

Famia Winterdaal contento cu tur yudanza

cu a drenta

- Advertisement -

ORANJESTAD (AAN): Despues cu Edmar Winterdaal a pone riba e rednan social e

problema cu a presenta cu su yiu, e reaccion pa sosten den comunidad tabata mesora.
Mester bisa cu Edmar Winterdaal tabata kier a bay hunto cu su yiu y e mama di su yiu
Hulanda. E yiu den dos dia di tempo a haya tur cos regla pa bay cu e mama Hulanda

pa busca su salud. Despues cu diabierna e resultado a drenta, ya caba dialuna mes nan
tabata riba avion.Den e caso aki Edmar cu ta e tata kier a bay tambe. AZV no ta cubri
un di tres acompañante. El a kita for di trabou y asina a busca yudanza via rednan
social. El a haya yudanza tambe. Awor ya caba e baby, su mama y su tata ta na
Hulanda. Awor e baby ta cla pa haya su tratamento. Den nomber di e famia Winterdaal

nan ta gradici henter e comunidad di Aruba cu e sosten. Tambe nan ta bisa AZV hopi
danki pa tur loke nan a haci pa asina e criatura inocente por ta na Hulanda relaciona cu
su salud. Awor aki e famia ta pidi tur hende pa wanta un rato cu e donacionnan.Loke

nan a haya ta suficiente y nan lo kier focus riba e salud y recuperacion di e mucha. Ya
caba Edmar Winterdaal ta cu su yiu na Hulanda, e tin caminda di keda y placa pa come.
Tambe placa pa por transporta su mes. Pesey e famia a bisa cu nan a logra haya e
placa necesario y no mester mas donacion pa awor. Nan tin fe cu tur cos lo cana bon cu
Shayden Winterdaal. Si resulta cu mester yudanza nan lo bati na porta di e

comunidad.Un Danki un biaha mas di curazon pa e sosten asina grandi cu nan a haya.
Manera cu Shayden a yega Hulanda a bay haci e prome testnan. Ainda falta algun test
mas diahuebs. Djey e tratamento ta cuminsa ora cu caba di atende cu e mayornan.