Page 7 - DESPA

Eromil Bakmeyer, Candidato POR: Un Voto P’e

Derechonan Di Mucha Ta Un Voto Pa Nos

Comunidad Henter

 Local

 Politica
- 05/07/2017

Awor cu ta tempo di campaña y nos ta para dilanti e responsabilidad pa scoge e rumbo cu
nos kier pa nos isla bay aden den e proximo 4 aña, bo por tende hopi discusion tocante
“criminalidad ta halto”, “gasto di salubridad publico mester baha”, “economia ta stanca”,
“Aruba no ta manera antes” y mucho mas.

Bo tabata sa cu si bo vota pa traha rib’e derecho di nos muchanan, mayoria di e
problemanan na Aruba por wordo soluciona? Pero esaki no ta rekeri solamente atencion y
dedicacion di e gobernantenan cu lo guia nos pais, pero tambe e atencion y dedicacion di
cada un di nos aki na Aruba, segun Eromil Bakmeyer.Con lo logra esaki

Si na cas, na scol of unda cu un mucha ta nos cuminsa dun’e e amor, atencion y respet cu
e mester, nos lo cria un generacion nobo cu lo stima y balora nan mes mas y e lo tin mas
compacion cu otro hende.Consecuentemente, esaki lo yuda baha abuso sexual, fisico y
mental di muchanan drasticamente den futuro y lo yuda crea un generacion cu un
autoestima halto cu no lo cay facilmente den droga, abuso di alcohol, problemanan
mental y abuso di otronan. Esaki lo yuda crea e sociedad di paz, unidad y hermandad cu
nos tur awor ta anhela pa tin bek, Bakmeyer ta splica.Alimentacion saludabel

Si nos cuminsa duna nos yiunan cuminda mas saludabel na cas y crea scolnan saludabel
di berdad, nos lo cria un generacion nobo di hendenan mas responsabel pa nan mesun
salud y mas saludabel. Esaki lo yuda baha enormemente e gastonan di salubridad publico
cu nos tur ta paga p’e. Nos prima di AZV lo no mester sigui subi manera t’e caso awor pa